FERIDO O CONDUTOR DUN CAMIÓN DE LIXO QUE ENVORCOU EN CAMBADOS

O condutor dun camión de lixo resultou ferido esta noite en Cambados despois de que o vehículo no que circulaba envorcase na VG-4.3, á altura de Corvillón. Segundo puido saber o 112 Galicia, o home tivo que ser trasladado a un centro médico polos efectivos sanitarios.

Unha persoa particular contactaba co 112 Galicia para dar conta do accidente ás 3:10 horas.

A partir de aí, os xestores do 112 Galicia pasaron o aviso ao 061-Urxencias Sanitarias, aos Bombeiros do Salnés, á Garda Civil de Tráfico, a Protección Civil de Cambados e ao servizo de mantemento da estrada.

Unha vez no lugar do sinistro, os Bombeiros de Ribadumia confirmaron ao 112 Galicia que o condutor saíra polo seu propio pé do camión, polo que descartaron empregar o material de excarceración para liberalo.

O carril da estrada en dirección a Vilagarcía permaneceu cortado ata pasadas as 7:30 da mañán.

Sase a circunstancia que días pasados outro camión do lixo, neste caso de Vilanova tamén envorcara nesa mesma vía nun tramo de saída que discurre polo término municipal de Vilanova.