UNHA NAI E O SEU FILLO FERIDOS NUN DOS DOUS ACCIDENTES EN CAMBADOS NAS ÚLTIMAS HORAS

Accidente de Castrelo

Unha muller e o seu fillo resultaron feridos de consideración nun accidente de tráfico rexistrado este sábado en Cambados.

Segundo informou Protección Civil de Cambados, o sinistro tivo lugar na estrada PO-550 ao mediodía do sábado á altura da gasolineira de Castrelo.

Accidente en Corvillón

A muller, unha veciña de Cambados de 41 anos coas iniciais  M.C.L. conducía un Seat Altea no que tamén viaxaban dous fillos seus menores de idade. O seu coche foi golpeado por detrás por outro vehículo.

O impacto provocou lesións cervicais á muller e a un dos nenos, de 7 anos de idade, resultando ilesa a outra menor. Foron trasladados ao Hospital do Salnés pola ambulancia do 061.

Como consecuencia do impacto permaneceu cortado ao tráfico parte da vía, orixinándose algunhas retencións.

Participaron no operativo G.C. de Tráfico, a ambulancia do 061 e Protección Civil de Cambados.

Esta mañán por outro lado, tivo lugar outro accidente neste caso na parroquia de Corvillón no que tan so houbo danos materiais.