CAMBADOS ILUMINARASE DE AZUL PARA CONCIENCIAR SOBRE O AUTISMO

Este ano como en anteriores ocasións o luns 2 de abril celébrase o día de conciencia do autismo. Por este motivo, Cambados realizará unha serie de actividades para sensibilizar á sociedade sobre este trastorno.

No Concello ao redor das 12.00 horas, está prevista a lectura dun manifesto solidario e tamén levaráse a cabo un photocall no que os asistentes romperán carteis nos que se le "Rompamos  xuntos  as  barreiras", lema da campaña do Día Mundial do Autismo deste ano.

Ademais, o  Concello será iluminado con luces azuis, a cor que simboliza o apoio ao autismo. O obxectivo desta campaña é que a sociedade sexa máis accesible para as persoas con TEA, que cada día teñen que enfrontarse a numerosas barreiras para ser aceptados por toda a comunidade.

Con esta campaña o movemento asociativo de familiares de persoas con Trastorno do Espectro do Autismo ( TEA) de toda Europa, quere chamar a atención sobre as barreiras ás que se enfrontan este colectivo. Porque só desde a comprensión e o coñecemento pódese conseguir unha mellor adaptación ás necesidades do colectivo, que lles permita a súa plena inclusión e participación en todos os ámbitos da sociedade, así como o exercicio efectivo dos seus dereitos. Esas barreiras varían en función de cada individuo e das súas necesidades específicas, porque cada persoa con autismo é única. Por todo iso instan desde TEA os responsables políticos, aos profesionais, aos líderes empresariais e á sociedade en xeral a que se unan á campaña e rompan barreiras polo autismo, mostrando o seu apoio ás persoas con TEA con este xesto simbólico, pero cheo de contido para as persoas con autismo e as súas familias.