"ARDE MADRID" O SÁBADO EN EXPOSALNÉS

Este vindeiro sábado 15 de outubro terá lugar a proxección do terceiro documental da serie Memoria e Vida que durante este mes encherá o Salón de Exposalnés de historia de Galicia.

Sábado 15 en Exposalnés as 20:30 hrs.

O filme "Arde Madrid. Un documental sobre la infancia perdida", do cineasta miñorano Antonio Caeiro será nesta ocasión o que se poderá disfrutar. A obra ofrece unha retrospectiva do momento da toma de Madrid polas forzas franquistas a través da testemuña dos nenos e nenas daquela. 

Sinopse

Arde Madrid é a historia dunha infancia perdida. A historia duns nenos e nenas que se atopan no medio dun conflito militar (a Guerra Civil) e nunha cidade asediada (Madrid). Durante case sesenta minutos, 13 persoas (entre as que están Eduardo Haro Tecglen, Concha Carretero, Maruja Borrel ou Felisa Trampal) van a relatar as súas vivencias, os seus medos, a súa fame, os seus medos,... durante eses tres anos que durou a guerra. Todo a través dunha viaxe en metro (símbolo de refuxio e comunicación naquela época) que remata no cemiterio do Este, lugar de remate dalgunhas vidas.