Este vindeiro sábado 29 de outubro terá lugar a proxección do derradeiro documental da serie Memoria e Vida que durante este mes encheu o Salón de Exposalnés de historia de Galicia.
Sábado 29 en Exposalnés as 20:30 hrs.
"A VOLTA DOS NOVE"
A volta dos nove, recolle un suceso que deixou marcada á comarca do Val Miñor durante xeracións. O traballo histórico, dirixido polo documentalista Antonio Caeiro comeza na actualidade e viaxa ata os inicios da Guerra Civil, en outubro de 1936. Relata o asasinato de nove persoas por mor dunha vinganza do comandante da Garda Civil de Baiona. Sucedeu nunha curva dunha estrada, onde desde ese día ata acabada a ditadura apareceron debuxadas nove cruces en recordo dos falecidos. A pesar de ser borradas unha e outra vez e á persecución do seu autor, continuaron aparecendo durante máis de corenta anos. «O documental nace, pois, coma se fose un desexo do ou da debuxante das cruces, como un continuador do hacedor desas marcas», explican desde a produtora O Faiado da Memoria, que lanzou unha exitosa campaña de micromecenazgo para financiar o proxecto. Os testemuños orais que dan conta da historia. A rodaxe comezou a realizarse no 2006, a partir de entrevistas a aquelas persoas que viviron o suceso, tiveron unha participación directa nel ou con familiares das vítimas.
