DOUS FERIDOS GRAVES EN CAMBADOS

Catro persoas resultaron feridas nun accidente entre dous vehículos en Cambados

Un total de catro persoas resultaron feridas de diversa consideración tras colidir os dous turismos nos que viaxaban. Os feridos tiveron que ser liberados polos bombeiros de Ribadumia, que empregaron o material de excarceración unha vez comprobado que non podían saír polos seus propios medios. Urxencias Médicas, que xa tiña constancia do suceso, atendeu ás persoas feridas no mesmo lugar dos feitos. O accidente aconteceu na estrada de Oubiña, á altura do polígono de Tremoedo, no concello de Cambados. O 112 Galicia recibiu a alerta minutos antes das 00:00 horas desta noite. Así, solicitouse a intervención dos efectivos dos parque comarcais de Ribadumia e O Salnés, ademais da Garda Civil de Tráfico e Protección Civil de Cambados.

Os feridos máis graves foron trasladados ao Hospital do Salnés pola ambulancia do 061 de Cambados (R.M.A.R de 50 anos e veciña de Cambados) e ao H. Domínguez por unha ambulancia medicalizada de Sanxenxo (R.V.F. de 18 anos e Cambados).