TALLER DE SOLARIGRAFÍA NO FESTIVAL PROXECTA CON J. LUIZ OUBIÑA

Dentro do Festival Proxecta que se está a desenrolar en Cambados o vindeiro sábado.
Taller de Solarigrafía en Cambados, Pontevedra. Galicia. 29/08/2015. 

Incluído nas actividades programadas do Festival PROXECTA de Fotografía 2015. Falarase das solarigrafías da Igrexa de Santa Mariña Dozo (feitas en colaboración con Planeta Tres Cetas e Artesa dás Artes), aprenderán a construír e colocar diferentes tipos de cámaras para facer solarigrafías, escanear os negativos obtidos das que foron colocadas con axuda de José Luiz Oubiña e darase un repaso completo ás características desta peculiar técnica así como á súa historia. 
Prazas limitadas, prezo do taller 25 €. Inscricións en hola@solarigrafia.com. A exposición estará colgada na fachada marítima de Cambados do 28 de agosto ao 28 de setembro 2015.

A exposición abre o programa do Festival Internacional de Fotografía Proxecta 2015. Un evento que pretende encher de imaxes Cambados e que desenvolverá o groso do programa a partir da próxima semana.   Búscase espírito fotográfico e que a cidadanía sexa a protagonista do Proxecta. A súa participación será esencial en iniciativas como a ‘Memoria do Salnés’, un arquivo de imaxe que se instalará o sábado 29 e domingo 30 no paseo da Calzada.   O arquivo do pasado irá acompañado doutro do presente, convidando a todo o mundo a que colla estes días a cámara e ‘cace imaxes’.   Proxeccións, unha análise da figura de Vivian Maier e cursos en Exposalnés sobre fotografía completan as propostas dun Proxecta que este ano recupera a filosofía orixinal do certame.