XUNTANZA DE BANDAS EN CAMBADOS

O Salón Peña de Cambados acolle este domingo a Xuntanza de Bandas de Música, coa participación das agrupacións de Sanxenxo, A Illa de Arousa e as bandas do Conservatorio e da Escola de Música de Cambados.
O evento musical, que comezará a partir das 19 horas do domingo 19, foi presentado esta mañá polos directivos do Conservatorio e da Escola de Música de Cambados, José Piñeiro e Daniel Filgueira, acompañados do director da Banda de A Illa, Lucas Meda, e a organizadora do programa Modesta Padín.