En
relación ás temperaturas, no mes de xaneiro foron suaves, pola contra,
dúas entradas de aire frío, que viñeron acompañadas de neve en cotas
baixas, fixeron que febreiro resultase frío. No documento, o mes de
abril sobresaíu polas temperaturas máximas rexistradas a finais de mes
con valores que superaron os 30ºC en vales do interior.
Os meses
de agosto, setembro e outubro presentaron valores de temperatura máis
altos do agardado e deron paso a un novembro frío. Decembro presentou
temperaturas moi baixas na primeira metade con fortes xeadas no
interior.
Precipitacións
No eido das precipitacións, o ano comezou cun mes de xaneiro con chuvias abondosas, destacando a chegada a Galicia da cicloxénese explosiva denominada Gong. Tras un febreiro seco, o mes de marzo presentouse moi chuvioso debido á continua presenza de baixas presións no Atlántico norte. En abril, concretamente o día 10, recolléronse máis de 100 L/m2 en moitas localidades galegas.
No eido das precipitacións, o ano comezou cun mes de xaneiro con chuvias abondosas, destacando a chegada a Galicia da cicloxénese explosiva denominada Gong. Tras un febreiro seco, o mes de marzo presentouse moi chuvioso debido á continua presenza de baixas presións no Atlántico norte. En abril, concretamente o día 10, recolléronse máis de 100 L/m2 en moitas localidades galegas.
De maio a agosto as precipitacións
foron en xeral escasas, destacando unicamente xullo no que se
rexistraron chuvias cuantiosas concentradas unicamente en dúas xornadas.
O mes de setembro foi de gran contraste entre o norte, máis seco, e o
sur da comunidade, deu paso a un outubro húmido, no que destaca a
xornada do 21, novamente con valores por riba dos 100 L/m2. En novembro o
tempo estivo seco agás no norte e leste da provincia de Lugo e un
principio de decembro con ausencia de chuvias, a segunda metade
caracterizouse por predominio dos ventos de compoñente oeste e a
presenza das chuvias.
Anomalías
Como se indicaba antes, no mes de maio houbo un predominio en Galicia de situacións anticiclónicas, o que explica que as chuvias non fosen en xeral moi cuantiosas, pero os anticiclóns non conseguiron en ningún momento do mes achegar aire cálido dende o sur e, polo tanto, as temperaturas asociadas a estes períodos foron en xeral bastante discretos. As chuvias soamente acadaron os valores normais nun mes de maio no norte, por mor dos ventos que foron predominantes nesa compoñente. Foi o maio máis frío dende 1984, cunha anomalía negativa de 2ºC. Respecto ás precipitacións, resultou un mes seco na maior parte de Galicia.
Como se indicaba antes, no mes de maio houbo un predominio en Galicia de situacións anticiclónicas, o que explica que as chuvias non fosen en xeral moi cuantiosas, pero os anticiclóns non conseguiron en ningún momento do mes achegar aire cálido dende o sur e, polo tanto, as temperaturas asociadas a estes períodos foron en xeral bastante discretos. As chuvias soamente acadaron os valores normais nun mes de maio no norte, por mor dos ventos que foron predominantes nesa compoñente. Foi o maio máis frío dende 1984, cunha anomalía negativa de 2ºC. Respecto ás precipitacións, resultou un mes seco na maior parte de Galicia.
Por outra banda, o mes de xullo caracterizouse en xeral
pola presenza das altas presións ao norte da península Ibérica, co
conseguinte arrastre de aire cálido procedente do norte de África. Este
anticiclón soamente moveuse na derradeira semana do mes, aínda que a
mediados do mesmo chegou aire frío en altura que deixou un importante
episodio de treboadas. Con estes factores, o mes resultou ser o máis
cálido dende o ano 1989, cunha anomalía positiva nas temperaturas medias
de 2 ºC.
En canto a precipitacións, moi irregular, con áreas máis
afectadas polas tormentas onde se rexistrou chuvia en exceso e outras
onde estas precipitacións estiveron por debaixo do agardado. En conxunto
un 30% inferior aos valores normais, destacando o baixo número medio de
días de chuvia que foi de 2.
Durante o mes de outubro a presenza
de baixas presións no Atlántico e ventos do suroeste fixo que as
condicións meteorolóxicas estiveron caracterizadas polas chuvias, pero
tamén polas temperaturas elevadas, particularmente no caso dos valores
mínimos. No día 28 o paso da cicloxénese explosiva Christian, aínda que
non moi preto de Galicia, deixou refachos fortes e chuvias por momentos
intensas pero de menor entidade cas do 21. O número medio de días de
chuvia foi de 16.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.