Por carecer de licenza de apertura, ese é o motivo que esgrime o Concello do Grove para que hoxe luns se proceda ao precinto do restaurante Culler de Pau, o único con estrela Michelin que existe na localidade.
O propietario, Javier Olleros, confía en que o goberno local axilice os
trámites burocráticos do expediente de reposición da legalidade, para poder reabrir canto antes o establecemento. Para iso terá de demoler unha pequena parte do inmoble.
Os problemas para Culler de Pau derivan do enfrontamento entre o
construtor local, Óscar Miniño, e o ex alcalde socialista do Grove, José
Antonio Cacabelos e o seu concelleiro de Turismo, Jorge Olleros (irmán
do estrela Michelin).
Segundo chegou a dicir o propio Cacabelos, o empresario local Óscar Miniño
"perségueme politicamente e como persoa a causa dun desmesurado afán de
revancha e vinganza", o motivo segundo o ex alcalde era que lle
expedientaran varias das súas obras e o Concello denunciouno por usurpar
e pechar un camiño público.
Entre a multitude de denuncias presentadas polo construtor figuraba
unha contra o local de Culler de Pau por abrir o público cunha simple
licenza provisional de actividade.
O Tribunal Superior de Xusticia de Galicia deulle finalmente a razón ao construtor
obrigando o Concello do Grove ao precinto ata que o propietario derrube
un pequeno oco do local e obteña a licenza de actividade.
Olleros e o seu equipo adoitaban tomarse unhas vacacións no negocio a
principios de xaneiro, decidiu precipitar os acontecementos e iniciar xa
o seu periodo de descanso.A intención do chef é reabrir o negocio en
menos de tres meses, e de non ser posible, no caso de que o proceso se
dilate no tempo, non descarta -aínda que tampouco o desexa- unha
pechadura definitiva e o seu traslado a outro lugar.
As redes sociais xa se fan eco da nova e creouse un grupo de apoio en Facebook co nome " APOIO AO RESTAURANTE CULLER DE PAU " e que en poucos dias conta con case 2500 membros.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.