O F.C. Barcelona fixou a sua mirada en catro rapaces do fútbol base da nosa comarca, concretamente en dous xogadores do Cambados, un do Portonovo e un do Arousa.
Trátase de rapaces de entre os dez e catorce anos. Os rapaces do Cambados son un alevín e un cadete, un infantil do Portonovo e outro cadete do Arousa.
Por expeso desexo do clube catalán e das familias non se poden dar nomes namentras non rematen as negociacións.
A idea dos culés é que tanto os cadetes coma o infantil poidan empezar a traballar na canteira barcelonista tralo parón de nadal. As familias sen embargo prefiren que sexa despois do verán e que rematen o curso aquí para que o traslado non supoña unha baixada nos estudos.
O responsable de observar novos talentos para o Barça na zona destaca que aínda que non é unha petición de obrigado cumprimento, gustaríalle poder contar cos rapaces en xaneiro pero tamén entenden a postura dos pais.
Resulta para dóxico que clubes coma o Celta ou o Deportivo deixen escapar a estes rapaces, que algo terán cando son chamados por equipos de fora de Galicia.
Todo parece indicar que en pouco tempo teremos a catro rapaces da nosa comarca defendendo a camiseta do F.C. Barcelona. E CORES DE CAMBADOS seguirá informando do que aconteza.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.