O VÍDEOCLIP DO COLEXIO DE COIRÓN ACADA 4 NOMINACIÓNS

"Milo" o videoclip  do CEIP de Coirón (Dena) de Meaño acadou 4 nominacións aos premios Olloboi, os Óscar aos proxectos audiovisuais dos centros educativos de Galicia.
En concreto nas categorías de:

Olloboi Cómico

Olloboi Peleón

Olloboi DJ

Olloboi Online

 

Olloboi é un certame audiovisual escolar que transcorre nunha plataforma web os 5 primeiros meses do ano e culmina a última semana de maio con diversos actos presenciais: proxeccións, unha entrega de premios e un encontro de xoves creadores e creadoras, profesorado e profesionais do audiovisual. Trátase dun proxecto independente e sen ánimo de lucro que se nutre do traballo e a ilusión dos socios fundadores da Asociación Olloboi.

A CAMBADESA CUCA DA SILVA COLABORA NUN PROXECTO DA DGT

A cambadesa Cuca da Silva, presidenta da Asociación "Por Dereito" ven de colaborar nun traballo da DGT para crios que trata dos aspectos de educación viaria para unha mobilidade segura e sustentable nas idades máis temperás, para traballar tanto en contextos formais como non formais.

O traballo chámase ANDANDO A LA ESCUELA, e a cambadesa colaborou nos pictogramas, xunto con ARASAACC o deseñador  Sergio Palao e a  Diputación General de Aragón.

Andando a la escuela é unha guía educativa, música, conto e xogos. Un conxunto de diferentes e diversos materiais para que poidas utilizar en distintas contornas e medios.

Consta de material de educación viaria dirixido a profesores, familias
e nenos menores de 6 añosNace coa intención de reforzar todos os puntos
a considerar para xerar unha mobilidade infantil segura, saudable e sustentable.

Poder ter a posibilidade de moverse libremente e sen ser acompañados por adultos é unha necesidade para as nenas e nenos, pero é tamén un recurso para a escola e a cidade. Unha necesidade para eles porque só saíndo de casa e atopándose cos amigos pódese vivir a experiencia da aventura, da explicación. Só así poden afrontar os obstáculos e superar os perigos. En resumo, pódese xogar e o xogo é, seguramente, a experiencia máis importante na infancia e non só desta etapa. Sen esta experiencia dificúltase o desenvolvemento das capacidades cognitivas córrese o risco de sufrir obesidade infantil e trastornos de atención. Non se logra coñecer o mundo e prepararse a vivir ben (adecuadamente).


É un recurso para a escola porque só se poden vivir experiencias propias, autónomas, divertidas e interesantes en nenas e nenos que poidan mañá levar á escola calquera cousa interesante. Unha boa escola non se constrúe sobre programas e libros de texto senón sobre a experiencia que os alumnos acheguen á escola e en definitiva tamén é un recurso para a cidade. Se existen nenas e nenos que se movan autonomanente nos espazos públicos, a cidade será mellor, moito máis bela, segura, solidaria porque os nenos obrígannos a nós, os adultos, a ser mellores.

1º Xornada de Por Dereito: Ferramentas para a inclusión

 1º Xornada de Por Dereito: Ferramentas para a inclusión

Compartimos con todos vos a nova de POR DEREITO sobre as xornadas a celebrar próximamente na ILLA.

Temos o pracer de comunicarvos que Por Dereito vai celebrar as súa primeira xornada co título "Ferramentas para a Inclusión" co apoio inestimable do Concello da Illa e a Plataforma Inclusión TEA Sí.
O obxectivo é precisamente dar a coñecer ferramentas útiles para a inclusión real e efectiva das persoas con TEA e outras diversidades en tódolos ámbitos da vida: educativo, social e laboral.
 Presentaremos tres exemplos de inclusión educativa en centros ordinarios, inclusión efectiva e real, un exemplo de inclusión laboral e facilitadores da inclusión social.
  Os nosos amigos do ARASAAC virán dende Aragón para falarnos do portal de educación aumentativa da súa comunidade que tanto nos está axudando a tódolos niveis e de forma tan desinteresada.
Falando de inclusión temos que dicir que queda moitísimo por facer e a Plataforma Inclusión TEA Sí e Por Dereito estarán alí para falar deste tema.
 Animádevos e vide a estar con nós neste evento tan especial e tan interesante, asegurámosvos que non vos arrepentiredes.

Instruccións para a inscripción en :http://pordereito.blogspot.com.es/2012/03/formulario-de-inscripcion.html