CORES DO SALNÉS: XACEMENTOS

Mostrando entradas con la etiqueta XACEMENTOS. Mostrar todas las entradas

20 de septiembre de 2016

APARECE O ESQUELETO DUN BEBÉ NO XACEMENTO DA LANZADA

O achado supón unha novidade desde o punto de vista antropolóxico xa que se pensa que naquela época non era habitual enterrar os menores dun ano

Un día despois da visita da presidenta da Deputación de Pontevedra, Carmela Silva, e do alcalde de Sanxenxo, Gonzalo Pita, ó Campo da Lanzada para ver in situ o levantamento do esqueleto de "Cornelia" xurde un novo achado no xacemento. Neste caso, o equipo de arqueoloxía da institución provincial e a Doutora e Antropóloga Física Olalla López Costas da Universidade de Santiago de Compostela -que aínda se atopaba no Campo da Lanzada-, atoparon esta mañá o corpo dun bebé a aproximadamente 5-6 metros do de "Cornelia".

Segundo indica a Doutora en Antropoloxía Olalla López, que xa participara no estudo dos esqueletos que xurdiron nas escavacións da Lanzada nas décadas dos 60 e 70 do século pasado, trátase da primeira vez que aparecen ósos dun bebé na Lanzada, neste caso, dun neonato moi deteriorado que se atopaba encollido nunha zona de area situada 5-6 metros a carón de "Cornelia". A Doutora López asegurou que este achado casual do esqueleto do bebé non ten porqué implicar relación co da muller nova atopada onte, pero si é unha novidade desde o punto de vista antropolóxico xa que se pensa que naquela época non se enterraban os menores dun ano.

Pola súa banda, o arqueólogo da Deputación de Pontevedra, Rafael Rodríguez, considera que se trata dun esqueleto de igual época que Cornelia, é dicir, e a falta de estudos que o confirmen, do século I despois de Cristo.

Nestes momentos o equipo de arqueoloxía da Deputación de Pontevedra e a Doutora en Antropoloxía Física da Universidade de Santiago de Compostela atópanse extraendo os ósos do pequeno e non descartan que aparezan novos esqueletos similares.

20 de febrero de 2014

O CONCELLO DE CAMBADOS NON COIDA O SEU PATRIMONIO

ANTE A SARTA DE TONTERÍAS DE PARTE DO CONCELLO .....MERDA PARA ELES!!!!!

Os temporais das últimas semanas deixaron ao descuberto no illote de San Sadurniño unha muralla da época na que a zona estivo habitada, a finais da Idade Media. E nesa zona, un veciño de San Tomé recuperou a semana pasada restos de cerámica, cunchas e incluso ósos, aínda que todo parece indicar que de orixe animal. O veciño dirixiuse ao Concello de Cambados para informar sobre o achádego.

Coa desculpa da falla de cartos no Concello, non se fai un estudo máis detallado. Pero a Deputación ten un departamento que se adica a os xacementos arqueolóxicos e non botan man del. Os restos poderían proceder con toda a seguridade dos asentamentos de finais da Idade Media que había na zona. Os restos de cerámica componse dunha peza grande cor marrón que podería ser o pescozo e a parte central dunha vasija do século XV ou XVI que seguramente utilizaban os moradores como recipiente para líquidos. En canto ás cunchas, serían restos de moluscos, xa que os habitantes da zona tamén se alimentaban de marisco. O veciño de San Tomé que atopou os restos recolleu tamén ósos. Pero, en principio todo apunta a que serían de animais.

Para outras cousas pídese axuda a Deputación

O Concello de Cambados mantén a súa idea orixinal de levar a cabo na zona unha actuación branda que permita polo menos conservar o que o temporal deixou á luz e evitar así a súa deterioración. Tan branda que non durou nin tres dias en voltar a saír todo a luz.

Agora mesmo, din dende o Concello que"carece de fondos para unha actuación máis complexa" engadindo "que non ten pensado sacar á luz o muro habitacional de cuxa existencia xa se sabía e que quedou ao descuberto agora cos temporais". Xa se tratou de ocultar no 2011 pero a natureza é máis lista que os que governan Cambados.

Tome exemplo sr. Aragunde da campaña que está a facer o seu homónimo de Vilanova co Castelo do Monte Lobeira.

28 de enero de 2014

UNHA COUSA E PREDICAR E OUTRA DAR TRIGO

Turismo Rías Baixas (dependente da Deputación) presentou dias atrás en Fitur a oferta turística da provincia, centrada esta vez no turismo cultural e co afán de atraer á provincia a un tipo de visitante que cada día é máis numeroso e cun alto poder adquisitivo.

Nun acto presentado pola xornalista galega afincada en Madrid Pilar Falcón a Deputación de Pontevedra aproveitou o "magnífico escaparate" que representa esta feira internacional para promover dúas novas rutas que a Administración provincial pon agora en marcha e coas que se pretende "encandilar ao visitante".

Trátase da Ruta dos Castros e da Ruta dos Castelos, dous itinerarios que, en palabras do presidente da Deputación provincial, representan unha extraordinaria maneira de achegarse á "historia da provincia de Pontevedra e desta cidade única que se chama Galicia".

As dúas rutas contaron cos seus propios vídeos promocionais –que se poderán seguir a través da web da Deputación– e conforman "un magnífico escaparate para todos os que queiran adentrarse na cultura e identidade de Galicia" que, a xuízo de Louzán, "teñen que facer esta visita inescusable ás Rías Baixas".

A Ruta dos Xacementos fai un percorrido polos 16 castros que a Deputación de Pontevedra está poñendo en valor, cuns traballos de limpeza, sinalización e restauración, mentres que a dos Castelos inclúe construcións coma o castelo de Sobroso, o de Soutomaior ou o de Salvaterra, así como a reconstrución da fortaleza de Monte Lobeira.

E curioso que queiran potenciar estas rutas e cando aparecen novos xacementos tápanse (como pasou recentemente cos restos aparecidos na Torre en Cambados) e os que hai a vista carecen do mínimo mantemento.
Por certo estes dias Louzán acompañado do alcalde Miguel Perez visitou "Adro Vello" no Grove para decatarse do estado lamentabel no que se atopa. Agora van a coidalo, ata que pasen uns meses e quede todo coma sempre en promesas.
Si de verdade queren potenciar esta parte da nosa historia, da nosa cultura e da nosa paisaxe non deberían de procurar dar a coñecer todo aquelo que nos recorde a nosa historia?. Conservalo i estudalo?.