"O ENCORO ENMEIGADO" DE KUKAS ESTE DOMINGO NA XUVENTUDE

"O encoro enmeigado. Nas fragas do Eume", que poñerán en escena os Monicreques de Kukas é a terceira das representacións do ciclo "Teatro as 18h".

O obxectivo da historia é animar aos nenos para comprometerse co coidado da natureza, e especialmente dos ríos e os bosques, á vez que se recupera e ponse en valor aos personaxes míticos da cultura popular.

O elenco artístico intégrano Marcelino de Santiago, Miguel Cabaleiro e Isabel Rey, e serán eles os encargados de mover os personaxes, que son unhas marionetas de medio metro de altura. Os actores estarán sobre o escenario, pero discretamente ocultos grazas á iluminación.


Domingo 12 de febreiro as 18 horas. A entrada custa 3,5 euros, e a reducida de 2,5 para maiores de 65 anos, menores de 18, pensionistas, desempregados e estudantes.

CUCARANDAINAS, ACTIVIDADES PARA OS PEQUENOS

O vindeiro venres 17 de xullo no Parque de Torrado (en caso de mal tempo no Auditorio Municipal) contaremos coa actividade Moito Conto  de Cucarandainas, dentro do programa da Xunta de Galicia Ler Conta Moito. 

Trátase dunha actividade de narración oral participativa dirixida a nenos e nenas de 4 a 12 anos, na que, a partir dun conto literario, o público xoga e dramatiza a historia. Para iso presentarase un proposta lúdica e pedagóxica baseada na elaboración e interpretación de contos que ten como obxectivo potenciar valores positivos tales como a convivencia, igualdade, a educación afectiva entre outros, trasladándoos aos participantes.

A narradora guiará a representación e os espectadores pasarán a formar parte activa da mesma como personaxes ou ambientación espacial ou sonora. 

A duración prevista é dunha hora aproximadamente. Dado que por operatividade se recomenda que o número de nenos asistentes non supere os 45, ábrese o prazo de inscrición gratuíta na biblioteca municipal Casa dos Fraga, que poderá realizarse in situ dentro do seu horario (de luns a venres de 9.00 a 14.00 e de 16.00 a 21.00, e sábados de 11.00 a 14.00), ou no teléfono 986 520 008.