AMANCIO ORTEGA TERÁ UNHA RÚA EN VILANOVA DE AROUSA

O Concello de Vilanova de Arousa adicará unha avenida a Amancio Ortega, fundador de Inditex, e varias rúas aos profesionais sanitarios, do Exército, das forzas e corpos de seguridade e de voluntarios particulares pola súa loita contra o coronavirus.
A iniciativa, explican fontes do goberno local, xorde de peticións cidadás "en recoñecemento á doazón de material de protección por parte de Amancio Ortega, así á adquisición previa e cesión ao sistema sanitario público de tecnoloxía punteira para o tratamento do cancro". O fundador de Inditex dará nome á avenida principal do polígono empresarial de Baión, e sanitarios, policías, militares e voluntarios, ás rúas adxacentes. Ata agora ningunha rúa deste polígono ten nome algún.

O cambio de nome deberá abordarse no próximo pleno da corporación local, o que se dá por descontado ao gobernar o PP con maioría absoluta.

CAMBADOS E RIBADUMIA PRESENTAN O PROXECTO DE DOTACIÓN DE INFRAESTRUTURAS NO POLÍGONO DO SALNÉS

- O orzamento do proxecto ascende a 100.743,55€, correspondendo un 42,02% a Cambados e un 57,98% ao Concello de Ribadumia. - O Concello de Ribadumia vai ser o encargado da licitación que xa foi remitido ao portal de contratación da Xunta de Galicia para a súa publicación. O Concello de Cambados e o de Ribadumia veñen de presentar o proxecto de Dotación de Infraestruturas no Polígono Industrial do Salnés. Ao Proxecto foille concedido unha axuda por concorrencia competitiva estando subvencionadas ao 95% con cargo aos orzamentos xerais da Comunidade Autónoma de Galicia para 2018. Os concellos de Cambados e Ribadumia, de maneira coordinada e conxunta, decidiron aproveitar os recursos procedentes da convocatoria da Consellería de Economía, Emprego e Industria da Xunta de Galicia para levar a cabo a dotación de determinadas infraestruturas dentro da área industrial de O Salnés, co obxecto de mellorar o entorno industrial, favorecendo o desenvolvemento do traballo e a implantación das empresas. A razón pola que os dous concellos deciden acollerse aos beneficios desta convocatoria fundaméntanse en que as zonas industriais dos dous concellos forman na realidade unha area industrial conxunta e que as obras que se proxectan manteñen unha continuidade entre as zonas que pertencen aos dous concellos. O importe do custe do proxecto é de 100.743,55 € e o prazo previsto de execución das mesmas é de 6 semanas, unha vez que remate o proceso de licitación.
Mellora do entorno industrial
O obxecto do presente proxecto é o de definir as obras a realizar para a mellora das infraestruturas do conxunto do Polígono Industrial do Salnés. Nas rúas principais dos polígonos hai un elevado deterioro da capa de rodadura, polo que se pretende a aplicación dunha capa de microaglomerado en frío para a súa conservación, mellorando as características de textura superficial e resistencia ao deslizamento. Posteriormente ao pavimentado procederase ao novo pintado das vías.

Por outra parte, na zona do entorno industrial correspondente ao Concello de Ribadumia, é preciso A construción de varios tramos de novas beirarrúas, así como a pavimentación de dúas zonas para aparcamentos na rúa da horta e construción dunha cuneta e unha bionda de protección, para evitar o risco de caídas de vehículos nunha zona do polígono. Ademais da pintura, colocarase un cartel tipo TOTEM de información en cada polígono.
Con estas obras mellorase sensiblemente o entorno industrial, mellorando a información e sinalización do parque empresarial de O Salnés, favorecendo o desenvolvemento industrial da zona. Tendo en conta que os traballos efectuaranse nos viais do Polígono, veranse afectados os accesos as naves industriais. A organización do traballo farase de maneira parcial, afectando soamente a un marxe do vial e mantendo a posibilidade de circulación polo resto do vial, coa sinalización adecuada. En ningún caso se producirá o corte total do acceso a os viais do polígono. Non se afecta ningún tipo de liña de telefonía nin de electricidade.

CARTOS PARA OS POLÍGONOS PERO NON PARA CREAR EMPREGO

Axudar a arranxar polígonos industriais sen vida, a quen beneficia. Seguramente as obras serán contratadas a empresas amigas. 
Non sería mellor axudar a empresas que queiran establecerse en estos parques que arranxar o que está case en desuso?.
Un total de 53 concellos --64 proxectos-- serán beneficiarios de axudas da Xunta de Galicia por valor de 4,2 millóns de euros para mellorar as infraestructuras de parques empresariais.
 

O director xeral de Enerxía e Minas, Anxo Bernardo Tahoces, destacou o "éxito" da convocatoria, debido a que se comprometeu a cantidade dispoñible "na súa integridad".
Ademais, resaltou que seis consistorios --Cambados e Ribadumia, en Pontevedra; Cabanas e Fene, na Coruña e Ou Carballiño e Maside, en Ourense-- acudiron á mesma de forma "agrupada", o que lles permite unha intensidade maior da subvención (ata do 95% do investimento) e un importe límite tamén máis elevado (de 180.000 euros). Para o resto de municipios, a axuda chega ao 80% do investido e o tope da cantidade percibida é de 120.000 euros.

O B.N.G. REUNIUSE ONTE COS MEMBROS DE "O BATUQUEIRO"

Na tarde de onte xoves dia 4, o BNG de Cambados reuniuse coa Asociación “O Batuqueiro” de Vilariño para tratar un tema de interese común para ámbolos colectivos, como é o das suxestións e observacións  ao Informe de Avaliación Ambiental do PXOM de Cambados, pois recordemos que hoxe día 5 remata o período de exposición pública no cal era posible  incorporar as distintas aportacións de persoas ou asociacións interesadas facelo.

O BNG considera que este é o momento axeitado para introducir no Informe Ambiental do PXOM do noso concello, un regulamento que tivera en conta as consecuencias ambientais e sobre a saúde das estacións e liñas eléctricas. Recordemos que, ademais, está é unha das principais preocupacións da Asociación “O Batuqueiro”.

O BNG, ente as súas observacións, enviou as seguintes suxestións con respecto a temática de interese para a asociación de Vilariño:

Regulamento Estacións e Liñas eléctricas.

Considera o BNG que este documento, tratándose do Informe de Avaliación Ambiental do PXOM de Cambados, debería incluír un Regulamento sobre a construción e instalación de estacións é liñas eléctricas, xa que é un tema que afecta directamente á saúde das persoas e que está a preocupar a moitos dos nosos/as veciños/as. Concretamente, a preocupación polo recente anuncio de ampliación da subestación eléctrica do Pardiño, na parroquia de Vilariño, creou unha alarma social que debería mitigarse coa inclusión no PXOM, dun claro regulamento sobre este tipo de infraestruturas, no que se definiran claramente cuestións de vital importancia como son as posibles ubicacións, as distancias ás vivendas ou as características dos trazados de liñas de media e alta tensión, entre outras cousas, de xeito que a saúde das persoas fora o criterio prioritario á hora de  situar e construír este tipo de instalacións.

Apuntan tamén os nacionalistas, igualmente que nesta mesma liña de actuación, onde se dea  prioridade á saúde das persoas por riba dos intereses económicos, tamén sería necesario a creación doutro regulamento que incluíse os criterios para a instalacións de antenas de telefonía móbil; tema, por certo, que tamén preocupa aos veciños e veciñas de Cambados.