O Concello de Cambados presentou esta mañá as actividades organizadas para o Entroido, do 21 ao 26 de febreiro, no que se distribuirán máis de 7.500 euros en premios. Os festexos comezarán o venres 21 coa parodia do concurso “A Túa cara sóame” dende as 22:30 na Praza de Alfredo Brañas.
O sábado pola tarde haberá actividades e obradoiros para nenos no parque de Torrado e xa o domingo será o día grande co Desfile de Carrozas que sairán ás 17 horas da Escalinata de San Tomé ata a Praza de Fefiñáns.
O luns 24 será o baile infantil organizado en colaboración coa Cofradía de Pescadores San Antonio, a partir das 17 horas no Salón Peña.
O martes 25 terá lugar o Gran Concurso de Disfraces e de Comparsas dende ás 17 horas na Praza de Alfredo Brañas. O concurso de Comparsas, terán que realizarse no Auditorio da Xuventude en caso de choiva.
Xa para rematar, o mércores de cinza os cambadeses enterrarán ás longas esperas na Sanidade Pública. Os alumnos do Obradoiro de Emprego imitarán estar nunha sala de agarda durante o percorrido que sairá ás 19 horas dende o Concello ata a Praia de San Tomé onde se ofrecerá a homilía a cargo do Frade Goio.
A programación do Entroido foi presentada na mañá de onte polo edil de cultura, Tino Cordal, acompañado do concelleiro de economía, Xurxo Charlín, e da directora do Obradoiro de Emprego, Bea Esteban.
PROGRAMA COMPLETO
VENRES DE ENTROIDO
A TÚA CARA SÓAME
22.30 h.
Na Praza de Alfredo Brañas A túa cara
sóame, espectáculo musical imitando
o programa “Tu cara me suena” onde
haberá actuacións con música en directo. Anímase a toda a xente a que
veña disfrazada de cantantes ou grupos musicais.
Haberá premios para as mellores actuacións.
SÁBADO DE ENTROIDO
17.00-20.00 h.
No Parque de Torrado animación infantil da man de Nordelaina Xestión
Sociocultural con:
- Baile de disfraces
- Obradoiro de antifaces
- Pintacaras
- Merenda de entroido con chocolatada e doces.
e a Escola Obradoiro de Emprego de
Cambados emprende Xove con:
- Obradoiro de manualidades
- Xogos de destreza
- Xogos predeportivos.
DOMINGO DE ENTROIDO
DESFILE DE CARROZAS
16.00 h.
Na Escalinata de San Tomé, recepción
das carrozas e maquetas inscritas
que participen no desfile.
17.00 h.
Comezo do desfile das carrozas
acompañadas da música do Grupo de
Batucada Olodum do Coio e a Charanga As de sempre + nós polas seguintes rúas: Escalinata de San Tomé
– Avda. de Galicia – Praza do Concello
– Avda. de Madrid – Praza de Fefiñáns.
O desfile será retransmitido polo DJ
Studio 21.
18.30 h.
Entrega de premios e participacións
do concurso, na Praza de Fefiñáns.
Para a 3ª Clasificada: 400€, á 2ª clasificada: 500€ e á 1ª clasificada: 600€.
Ademáis, farase constar a gratificación
de 200€ ás carrozas e de 100€ ás maquetas pola súa participación. (Para
máis información, consultar bases)
* En caso de choiva o desfile farase o
martes 25 ou como última data o sábado 29 de febreiro no mesmo horario.
LUNS DE ENTROIDO
12.00-14.00 h.
Obradoiro infantil de entroido diante
do concello.
17.00 h.
No Salón de Congresos e Exposicións
J. Peña, Baile de Entroido Infantil. Premios para os mellores disfraces individuais de 50€, parella 100€,
grupo de 150€. Ditos galardóns serán
cambiables en establecementos comerciais asociados a Zona Centro. Organiza o Concello de Cambados coa
colaboración da Confraría de Pescadores San Antonio e Zona Centro. (Para
máis información, consultar bases).
MARTES DE ENTROIDO
GRAN CONCURSO DE
DISFRACES XUVENÍS E
ADULTOS E CONCURSO
DE COMPARSAS
12.00-14.00 h.
Obradoiro infantil de entroido diante
do concello.
17.00 h.
Na Praza Alfredo Brañas, Concurso
de Disfraces nas categorías de xuvenil e adulto amenizado polos DJs
Studio 21 con premios en vales de
compra nos establecementos comerciais asociados a Zona Centro ao
mellor disfrace individual de 100€,
parella 150€ e grupo 200€.
18.30 h.
Concurso de Comparsas con premios para as tres primeiras clasificadas: 1º premio de 400€, 2º premio
de 300€ e 3º premio de 200€. Para
o resto de participantes non premiados haberá unha gratificación de 100
€. (Para máis información, consultar
as bases).
*En caso de choiva trasladarase ao
Auditorio da Xuventude no mesmo
horario.
MÉRCORES DE CINSA
ENTERRO DA SARDIÑA
18:00 h.
Na Praza do Concello*, degustación
de doces típicos do Entroido, grazas á colaboración da Asociación
“Amas de Casa Albariño”.
19.00 h.
Trala papatoria, terá lugar a homilía,
antes do Enterro da Sardiña, que
este ano contaremos coa presenza
da Frade Goio, cos cánticos sacros
das Charangas Os Jaláticos e As
de sempre + nós e o Grupo de Batucada Olodum do Coio. Choróns e
choronas quedades todos convidados formar parte deste sepelio que
terá lugar na praia de San Tomé
BASES DOS CONCURSOS E CARTAZ
BASES CONCURSO CARROZAS ENTROIDO 2020
