Un ano máis volve polo Entroido a Cambados o espectáculo musical A TÚA CARA SÓAME. Hoxe venres as 22.30 h. na Praza de Alfredo Brañas.
A túa cara sóame, espectáculo musical imitando o programa “Tu cara me suena” onde haberá actuacións con música en directo. Anímase a toda a xente a que participe disfrazada de cantantes ou grupos musicais. Haberá premios para as mellores actuacións.
Actividades para nenos o Sábado de Entroido no Parque de Torrado
A Concellaría de Cultura tamén organizou actividades infantís no Parque de Torrado ao cargo da empresa Nordelaina, que contará cun posto de pintacaras e tatuaxes temporais, simultaneamente vaise realizar un taller de antefaces e xogos con música. A partir das 7 da tarde todos os nenos poderán desfrutar dunha merenda típica con doces de entroido e chocolatada. Ademais tamén estará o Obradoiro de Emprego xuvenil “Cambados Emprendedor” de animación sociocultural levando a cabo Obradoiros de manualidades, xogos de destreza e xogos predeportivos para que os máis cativos da casa desfruten dun día de festa o sábado de entroido en Cambados.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.