O XUVEN CAE ANTE CORUÑA

Non quixo sorpresas o Leyma Coruña tras tres derrotas consecutivas na pretempada. Dende o principio mandou no marcador: 6-14, 10-17. O Xuven tentou achegarse cun 5-0 de parcial (15-17), pero o Leyma volveu irse no marcador: 17-22 ao remate do primeiro cuarto, que se ampliou a 35-45 no descanso. Os homes de Miguel Ángel Hoyo mantíñanse dentro do partido ao remate do terceiro parcial (50-60), pero os de Tito Díaz sentenciaron no derradeiro cuarto cun parcial de 0-7 que levou a diferenza ata preto dos 20 puntos. Ao final, 67-84. Nos coruñeses destacaron o capi Chus Castro, MVP con 19 puntos e 5 asistencias, e Gediminas Zyle, máximo anotador con 21 puntos. Nos locais, Erik Quintela fixo 14 puntos.

A destacar o debut do local Rubén Laya, único cambadés sobre a pista.

Ficha técnica
Xuven Cambados 67: Adrián Chapela (3), Freitas (9), Rodríguez Osma (10), Díaz del Río (9), Mike Callaghan (2) --cinco inicial-- Erik Quintela (14), Diouf (10)Villamil (1), Orellano (0), Hopfgartner (4), Sergio Quintela (5) e Rubén Laya (0).
Leyma Coruña 84: Joan Creus (7), Chus Castro (19), Ángel Hernández (5), Zyle (21), Sergio Olmos (12) --cinco inicial-- Orlov (11), Ben Stelzer (7), Monaghan (0), Laary Abia (2), Martín Bello (0) e Pablo López (0).
Parciais: 17-22, 18-23 (35-45), 15-15 (50-60), 17-24 (67-84).

O BASQUET CORUÑA RIVAL DO XUVEN NA COPA GALICIA

A XXX Copa Galicia, o evento máis relevante da pretempada do baloncesto galego e cuxa sede oficial este ano é a cidade de Ourense xa está  preparada.  O Xuven de Cambados o 15 de setembro no pavillón cambadés do Pombal, xogará contra Leyma Basquet Coruña de acordo co sorteo da fase previa e o calendario definido para a competición, tras a reunión da Federación Galega de Baloncesto e os clubs participantes.

O certame deportivo reunirá seis equipos:  Obradoiro, COB, Breogán, Cambados, Marín, eo Leyma Básquet Coruña. O sistema de competición formula unha eliminatoria previa, da que están exentos o Obradoiro, pola súa condición ACB, e o COB por ser anfitrión.

Como resultado do sorteo para a rolda previa -onde compiten equipos Leb Oro contra Leb Plata- o Básquet Coruña medirase fronte ao equipo cambadés, mentres que o Breogán o fará contra o Marín.

Os dous equipos que pasen esta primeira fase, xogada a partido único na cancha do equipo de Leb Plata, irán ás semifinais do venres 18 en Ourense. O vencedor do choque Leyma Básquet Coruña-Xuven terá fronte a si o COB, mentres que o vencedor do encontro Breogán-Marín loitará contra o Obradoiro. A final celebrarase ao día seguinte, sábado 19.

O OURENSE RIVAL DO XUVEN ESTE MÉRCORES

O Xuven buscará o mércores en Cambados a partir das 21.00 horas unha vitoria ante o COB de Ourense para meterse nas semifinais da Copa Galicia que se van a celebrar no Palacio de Deportes de Lugo os días 13 e 14.

Na mesma comparecerán os equipos galegos da máxima categoría, contando nesta ocasión coa presenza do Obradoiro, Leyma Coruña e Breogán de Lugo, como clasificados de forma directa para esta competición; e o Xuventude Baloncesto de LEB Prata e o COB, clubs que loitarán pola última praza no Pabellón de O Pombal. As semifinais xóganse o día 13 ás 18.00 horas entre o Breogán e Leyma Coruña e ás 20.15 horas o Obradoiro co vencedor do Xuventude Baloncesto e COB. A final xogarase o día 14 desde as 12,15 horas.

O CONSERVAS DE CAMBADOS QUEDA AS PORTAS LOITANDO

Partido da Copa Galicia disputado no Pavillón do Pombal, Cambados

Co mel nos labios quedouse o Conservas de Cambados despois de caer dando unha grande imaxe ante un equipo da liga Adecco Oro como o COB Ourense (65-68).

Poucos esperaban un partido así, pero o certo é que os amarelos saíron moi concentrados dende o inicio nun primeiro e segundo cuartos moi igualados (29-28).

Foi a partir do terceiro período cando os locais puxeron en máis apertos ao COB para desfrute dos afeccionados que acudiron ao Pombal.

O Xuven chegou a mandar por rendas de ata 10 puntos apoiado nunha boa defensa e na dirección de Juanchi Orellano, cunha diferenza de 8 ao chegar ao final do terceiro cuarto (54-46).

Pero non estaba todo dito e o conxunto ourensano reaccionou no tramo final para igualar o electrónico e xogarllo todo nun emocionante último minuto.

Foi entón cando apareceu Pedro Riveiro para, cun triplo e dous tiros libres, poñer en vantaxe os seus, unha diferenza que xa non puido recortar o cadro cambadés a pesar de gozar da posesión definitiva para forzar a prórroga.

Grazas a este triunfo o COB Ourense clasifícase para a fase final da Copa Galicia, onde se medirá en semifinais ao Obradoiro.

CONSERVAS DE CAMBADOS (65): Orellano (6), Norman Rey (8), Taylor García (11), Merino (5), Alberto Rodríguez (13) -quinteto inicial-, Ander (8), Juan Mato (2), Vaquero (3), Wildner (4), Diatta Diop (5), Patiño.

COB OURENSE (68): Kale (17), Rafael Huertas (6), Julio González (3), Pedro Rivero (13) Morentín (4) - quinteto inicial - Frutos (2), Iván García (5), Luettgerodt (3), Eduardo Martínez (13), N'Diaye (2).

Parciais: 17-18, 29-28, 54-46, 65-68.

O PARTIDO DO CONSERVAS DE CAMBADOS VISTO DENDE OURENSE

Partido plagado de alicientes e xa con un obxectivo en xogo. A cita máis interesante do que vai de pretemporada. O pase a fase final da Copa en xogo e rival interesante por recursos e ambiente ao seu favor.

A chegada de Aziz N'Diaye acabou de completar o ilusionante puzzle creado polo corpo técnico esta tempada. O senegalés é quizá una das 'x' na ecuación e unha das pezas crave para calibrar o rango de acción dos ourensanos na Liga. O xogador que debe completar todo o que non aportan Morentin, Kale ou García. Un xogador ao que esperar con paciencia en ataque pero chamado a marcador diferenzas en defensa. Intimidación, rebote e dureza interior. O seus primeiros acenos de identidade daraas en Cambados pero coa coartada de ter só catro horas de adestramento co equipo e 48 de convivencia en España.

O resto xa se coñece. Todo o bo dunha plantillal con calidade e recursos para gustar pero centrada en conseguir que a defensa sexa a clave dos resultados. Hoxe serao. Decisiva para non deixar que se creza un equipo que xoga de memoria e que aumenta a súa pegada na súa cancha.

O proxecto do Cambados é ilusionante e plausible desde fai tempadas pero toca teito agora co anhelado ascenso á LEB Prata. Da man de Iago Casal e cunha plantilla cimentada na continuidade do bloque.


Un equipo vistoso e equilibrado. A calidade do arxentino Orellano, a solvencia dos cubanos Mato e Douglas ou o equilibrio de xogadores con experiencia en categorías superiores como José Luís Merino ou Alberto 'Chufi' Rodríguez. Ademais chegan dous interiores con máis futuro que presente que deben ser importantes en LEB Prata. O Obradoiro sácalle brillo ao senegalés Mbagne Diop, que chega desde o Pau Orthez, e desde o Breogán chega o brasileiro Rafael Wildner.

O pase ás semis da Copa está en xogo para o COB ante un bo equipo, capaz de gañar ao Porto fai catro días, e un ambiente notable cun pabellón co cheo asegurado xa de antemán.

O POMBAL, 21,00 HORAS.

García: 'O obxectivo é gañar o partido e estar na Copa'.

O adestrador do COB, Gonzalo García de Vitoria, ten claro que o partido desta noite non é un test máis de pretemporada. 'É moi importante gañar e poder xogar o sábado contra o Obradoiro. Non xogar o fin de semana trastornaría moito o plan de traballo que temos marcado. Fainos ilusión xogar a Copa e pelexar por un título', di o técnico.

García de Vitoria avisa do que se atoparán en Cambados: 'Será un partido moi complicado e seguro que chegaremos igualados ao último cuarto. Eles son un equipo totalmente feito e nós estámosnos coñecendo'.

Un partido no que debutará Aziz N'Diaye: 'chegou moi ben e pisará a pista. Non sabemos si moito ou pouco pero pisará a pista. Está un pouco perdido porque son os primeiro adestramentos pero chegou con moi bo actitude'. Rivero, baixa ante o Coruña, regresará ao equipo.

AS ENTRADAS E ABONOS PARA A COPA GALICIA XA ESTÁN A VENDA

O Multiusos Fontes do Sar acollerá o próximo 21 e 22 de setembro a Fase final da XXVIII edición da Copa Galicia Sénior Masculina da que o Rio Natura Monbus é o vixente campión e reunirá aos mellores equipos do baloncesto autonómico. Así, C.B. Breogan, COB Ourense, Leyma Basquet Coruña, Marín Peixe Galego, Conservas de Cambados e Rio Natura Monbus serán os seis equipos que participarán na disputa polo primeiro título oficial da tempada.


As entradas para a fase final xa están dispoñibles tanto nas oficinas do club como a través da páxina web (www.obradoirocab.com) e terán un prezo de 10 euros por xornada (semifinais ou final) e 15 euros o abono para ambas, este último só

dispoñible na oficinas do club.



Os seis equipos competirán baixo un sistema decidido previamente por sorteo e que estipula a presenza directa do Rio Natura Monbus e Leyma Básquet Coruña en semifinais. Por outra banda, os restantes catro equipos terán que verse as caras en dous encontros precedentes en busca das dúas prazas de semifinalistas que restan por coñecer.

Rio Natura Monbus - Vencedor Conservas de Cambados vs Club Ourense Baloncesto, protagonizarán a primeira das semifinais o sábado, 21 de setembro, ás 18.00 horas. Pola súa banda, ese mesmo día a continuación, o Básquet Coruña enfrontarase ao vencedor do Marín Peixegalego vs C.B. Breogán.

Na xornada seguinte, domingo 22 de setembro, a final que dilucidará o campión da XXVIII Copa Galicia Sénior Masculina disputarana os ganadores de ambas semifinais a partir das 12.30 horas.