CORONAVIRUS GALICIA: BAIXAN ACTIVOS E HOSPITALIZADOS

Os novos contaxios de Covid-19 caen a 102 en Galicia --13 menos que a xornada pasada-- e a presión hospitalaria alíviase ao baixar a 116 os pacientes hospitalizados p coronavirus --tres menos--, mentres que a taxa de positividade aumenta a un 4,3 por cento e os casos activos seguen en descenso e sitúanse en 2.580.

Así se desprende dos datos actualizados polo Sergas este venres --con rexistros ata as 18,00 horas do xoves--, nos que se recolle que soben a 32 as persoas en UCI pola Covid-19 --unha máis-- e baixan a 84 as hospitalizadas noutras unidades --catro menos--, mentres que 2.464 pacientes permanecen en seguimento no seu domicilio. Por áreas sanitarias a presión hospitalaria descende en cinco das sete; mantense na de Pontevedra e O Salnés; e aumenta na de Santiago e Barbanza. En concreto, na da Coruña e Cee aínda que aumenta a dez os pacientes Covid en UCI --uno máis--, descenden a 25 os doutras unidades --dúas menos--; mentres que na de Ourense continúan cinco en críticos e baixan a 10 os doutras unidades --uno menos--. Na de Ferrol hai un en UCI --uno menos-- e cinco noutras unidades de hospitalización --uno menos--; na de Vigo seguen sete ingresados en críticos e baixan a 10 os doutras unidades --uno menos--; mentres que na de Lugo aumentan a catro o graves --un máis--, pero caen a 15 os doutras unidades --dúas menos--. Por contra, na de Santiago e Barbanza aínda que se manteñen dous pacientes Covid en UCI, aumentan a 15 os ingresados noutras unidades --tres máis--. Polo seu lado, a área de Pontevedra e O Salnés segue con tres en críticos e catro noutras unidades. CASOS ACTIVOS EN DESCENSO Os casos activos de Covid-19 manteñen a tendencia descendente e baixan a 2.580, que supoñen 184 menos que os rexistrados ata a xornada anterior, ao haber máis altas (284) que contaxiados (102), ao que se suman dous falecementos. Por áreas sanitarias, as infeccións activas descenden de novo nas sete: A Coruña e Cee (-73), Santiago e Barbanza (-47), Ourense (-23), Lugo (-15), Ferrol (-14), Pontevedra e O Salnés (-10) e Vigo (-1). Deste xeito, con máis casos segue a da Coruña e Cee, con 687; seguida da de Lugo, con 510; Vigo, con 433; Santiago e Barbanza, con 409; Ourense, con 276; Pontevedra e O Salnés, con 177; e Ferrol mantense a cola, con 88, a única por baixo do centenar. MENOS CONTAXIOS En canto aos novos enfermos de Covid-19, descenden a 102, que implican 13 menos que os 115 da xornada anterior, na que subiron lixeiramente tras os 112 contabilizados o mércores e os 75 do martes. Nas últimas 24 horas confirmáronse por probas diagnósticas ( PDIA) 101 positivos, 16 menos que a xornada anterior, deles 34 na área de Vigo, 22 na de Lugo, 17 na de Santiago e Barbanza, 15 na da Coruña e Cee, sete na de Ourense e seis na de Pontevedra e O Salnés; mentres que na de Ferrol non se detectou de novo ningún. Así, os contaxiados en Galicia pola Covid-19 ascenden a 181.545, deles 42.935 na área da Coruña e Cee; 37.464, na de Vigo; 26.850, na de Santiago e Barbanza; 21.564, na de Ourense; 21.359, na de Pontevedra e O Salnés; 19.770, na de Lugo; e 11.603, na de Ferrol. Desde o inicio da pandemia leváronse a cabo 2.803.451 PCR en Galicia segundo os rexistros da Consellería de Sanidade, 2.629 probas máis que as contabilizadas ata o día anterior e unhas 900 menos que as feitas o día pasado. Ademais, realizáronse 823.108 test de antíxenos e outras 1.112.663 probas. En canto á taxa de positividade das probas PCR --número de infeccións detectadas cada 100 test-- sobe a un 4,3 por cento tras manterse nun 3% as dúas xornadas anteriores, polo que continúa por baixo do 5% que a OMS determina como limiar para dar por controlada a pandemia. VÍTIMAS E CURADOS As persoas falecidas en Galicia desde o inicio da pandemia diagnosticadas con Covid-19 ascenden a 2.614, despois de notificar Sanidade este xoves dúas novas vítimas. Unha delas foi unha muller de 94 anos de idade ingresada no HULA e o segundo óbito corresponde a un home de 88 anos que se atopaba no Complexo Hospitalario de Santiago. Ambos morreron o 15 de setembro e presentaban patoloxías previas. Fronte a iso, desde o comezo da pandemia curáronse no conxunto da Comunidade galega 176.385 persoas deste coronavirus, 284 máis que as rexistradas ata a xornada pasada.