CORONAVIRUS GALICIA: BAIXAR DA BARREIRA DOS 3000 ENFERMOS MOI PRETO

Coronavirus Galicia: 113 novos enfermos e baixan a 3.010 os casos activos.

A situación continúa mellorando na comunidade: seguen baixando os casos activos e hospitalizados e rexístranse menos casos que o mércores pasado Continúa remitindo a quinta onda de coronavirus en Galicia, cun novo descenso de casos activos e hospitalizados e menos contaxiados que a semana pasada. Os 113 de hoxe son un descenso do 24,7% respecto ao mércores pasado despois de que en luns e martes baixasen máis dun 50%. En total, esta semana Galicia vai un 44,7% por baixo da anterior. A situación continúa mellorando a bo ritmo e -salvo catástrofe- mañá Galicia baixará dos 3.000 casos activos, algo que non pasa desde o 7 de xullo. Por áreas sanitarias, Ferrol e Pontevedra seguen chamando a atención polo baixo número de contaxiados. Hoxe todas melloran e seguen rexistrando unha media de contaxios á baixa. A situación hospitalaria mellora en números respecto a onte, con 2 pacientes menos en UCI e 3 menos en planta. O total de pacientes é de 35 menos que fai sete días, con menos pacientes de UCI. Hai unha semana había 169 hospitalizados en Galicia divididos en 120 pacientes de planta e 49 de UCI, e hoxe son 134 en total, con 99 en planta e os outros 35 na unidade de críticos (2 menos que onte). Estes son os datos máis relevantes de hoxe: A Coruña é a área sanitaria máis afectada de Galicia con 823 casos activos, e a cidade de maior incidencia é Lugo con 143. Ferrol é a de menor incidencia con 62. Os casos activos baixan de 3.249 a 3.010, un descenso de 239 infectados. Baixan de 149 a 134 as persoas hospitalizadas, 35 menos que hai unha semana. A incidencia a 14 días baixa de 101 a 93 e a incidencia a 7 baixa de 35 a 34. Hoxe mércores son 37 diagnósticos menos que os 150 do mércores 8 de setembro, procedendo dun número de probas inferior. Os 113 casos novos de hoxe son o 3,23% de diagnósticos positivos de 3.489 probas PCR, mentres que os 150 do martes pasado eran o 3,98% de positivos de 3.761 tests. Nas últimas 24 horas rexistráronse en Galicia 113 novos casos de SARS- CoV-2, 2 falecementos e 350 altas, o que fai que descendan en 239 persoas os casos de coronavirus, pasando dos 3.249 de onte aos 3.010 de hoxe. O total de hospitalizados baixa de 149 a 134 pacientes, 2 menos en UCI e 13 menos en planta. O pasado mércores eran 169 hospitalizados, 35 máis que hoxe. O total de casos de coronavirus contabilizados polo Sergas desde o inicio da pandemia é de 181.362. Todas as áreas melloran Seguen mellorando todas as áreas sanitarias, e destaca especialmente a de Ferrol, que está preto de baixar dos 100 casos activos. Casos activos por área sanitaria A Coruña: 823 (-56) Ferrol: 120 (-16) Lugo: 572 (-57) Ourense: 323 (-28) Pontevedra: 204 (-10) Santiago: 504 (-56) Vigo: 464 (-16) Total: 3.010 (-230) Lugo é a cidade máis afectada de Galicia con 143 de incidencia, e Ferrol é a que menos está, con 62. Incidencia nas cidades A Coruña: 130 (-5) Ferrol: 62 (-6) Lugo: 143 (-6) Ourense: 113 (-5) Pontevedra: 81 (-2) Santiago: 98 (-7) Vigo: 80 (-3) Novos contaxios por área sanitaria A Coruña: 32 Ferrol: 2 Lugo: 20 Ourense: 17 Pontevedra: 3 Santiago: 15 Vigo: 24 Total: 113 O total de falecementos desde o inicio chega a 2.610 persoas, 2 nas últimas 24 horas, e son 1.991 desde a nova normalidade, superando os 619 da primeira onda. O total de hospitalizados é de 134 (-15), divididos en 35 (-2) na UCI e 99 (-13) en unidades de hospitalización. O total de probas PCR realizadas é de 2.797.262, delas 3.489 nas últimas 24 horas, cun 3,23% de positivos. A semana continúa moito mellor que a anterior, sumando 277 contaxiados de luns a mércores, un 44,7% menos que a semana pasada. As últimas semanas terminaron con 1.138, 1.995, 3.317, 4.157, 5.273, 6.974, 8.414, 9.090, 7.085, 2.991, 1.394, 758, 548, 557, 620, 850, 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 enfermos respectivamente.