MENOS CONTAXIOS E MENOS HOSPITALIZADOS QUE ONTE EN GALICIA

Coronavirus Galicia: 666 contaxios novos e soben a 10.276 os casos activos

Menos contaxios que o sábado pasado, menos hospitalizados que onte e tres áreas sanitarias baixan en casos activos. Pode resultar chocante falar de boas noticias cando se rexistraron preto de 700 contaxios nas últimas 24 horas, pero polo menos non son tan malas como nos últimos días. Hoxe comunicáronse menos contaxios que o sábado pasado, baixa o número de hospitalizados e tres áreas sanitarias galegas diminúen o seu número de casos activos, destacando especialmente Ferrol, que é a área sanitaria con máis enfermos por habitante de toda Galicia. O número de casos activos continúa subindo, pero hoxe soben moi pouco grazas ás case 600 altas. Na web de datos do Sergas di que nas últimas 24 horas confirmáronse 639 de COVID-19 por PCR, pero a diferenza entre o total de infectados desde o inicio da pandemia de hoxe (41.207) e o de onte (40.541) é de 666 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 666 novos casos de SARS- CoV-2, 7 falecementos e 579 altas, facendo que os casos activos ascendan en 80 persoas, pasando dos 10.196 de onte aos 10.276 de hoxe. Trátase dun dos menores incrementos dos últimos tempos grazas ao enorme número de altas, o maior nun día desde o inicio da pandemia. Estes 666 contaxios proceden de 7.976 probas PCR, cun 8,35% de positivos, en comparación cos 770 contaxios rexistrados o sábado pasado, que procedían de 10.234 probas PCR cun 7,52% de positivos. O total de hospitalizados baixa en 14 persoas, dos 593 de onte a 579. En Galicia rexistráronse por parte do Sergas 41.207 casos de coronavirus desde o inicio da pandemia. Ferrol, Ourense e Santiago melloran Coronavirus A Coruña: 141 contaxios novos e soben a 1.886 os casos activos Coronavirus Ferrol: 42 contaxios novos e baixan a 1.089 os casos activos Coronavirus Santiago: Noia en alerta vermella, 80 contaxios novos e baixan a 1.289 os activos Coronavirus Vigo: 168 contaxios novos e soben a 2.530 os casos activos Coronavirus Pontevedra: Soutomaior en alerta vermella, 78 contaxios e 1.229 casos activos. Hoxe hai boas noticias para tres áreas sanitarias. Ourense baixa un día máis, Santiago volve descender e Ferrol faio por primeira vez en semanas. A área máis afectada de Galicia segue sendo Vigo con 2.530 casos (+55), séguenlle A Coruña con 1.886 (+55), Santiago de Compostela con 1.289 (-49), Pontevedra con 1.229 (+35), Lugo con 1.157 (+48), Ourense con 1.096 (-35) e Ferrol con 1.089 (-29). Novos contaxios por áreas sanitarias A Coruña: 141 Ferrol: 42 Lugo: 100 Ourense: 57 Pontevedra: 78 Santiago: 80 Vigo: 168 Total: 666 O total de mortes en Galicia desde o inicio da pandemia alcanza as 976 persoas, 7 máis que onte e 357 nesta segunda onda. O total de hospitalizados é de 579, 14 menos que onte, distribuídos en 84 pacientes de UCI e 495 en unidades de hospitalización. O total de probas PCR é de 738.753, delas 7.976 no día de onte, cun 8,35% de positividade. Esta semana producíronse de luns a sábado 3.844 contaxios de coronavirus en Galicia, en comparación cos 3.966 que se produciron nos mesmos seis días da semana pasada.