SUBEN OS ENFERMOS, BAIXAN OS HOSPITALIZADOS EN PONTEVEDRA-SALNÉS

Coronavirus Pontevedra: Soutomaior en alerta vermella, 78 contaxios e 1.229 casos activos

Segue empeorando en casos activos a área sanitaria de Pontevedra e O Salnés, pero baixan os hospitalizados. Seguen aumentando os casos activos da área sanitaria de Pontevedra e O Salnés, pero por sorte están a baixar os hospitalizados. Outra mala noticia de hoxe é que Soutomaior pasa ao estado de alerta vermella e xa son nove os municipios da área sanitaria neste nivel de alarma. Nas últimas 24 horas producíronse 78 contaxios novos, 1 falecemento, (un varón de 82 anos no Complexo Hospitalario de Pontevedra), e 42 altas, o que fai que suban en 35 persoas os casos activos, pasando dos 1.194 de onte a 1.229 hoxe. Ademais da subida de Soutomaior ao estado de alerta vermella, Bueu sobe a alerta laranxa. Alerta nivel 3 (vermella): Cambados (56 casos, 2 menos que onte), Marín, O Grove, Poio, Pontevedra, Ribadumia, Sanxenxo, Soutomaior e Vilagarcía de Arousa. Alerta nivel 2 (laranxa): Bueu, Caldas de Reis, Cuntis, e Ponte Caldelas. Alerta nivel 1 (amarela): Forcarei, Vilaboa e Vilanova de Arousa. O número de pacientes hospitalizados baixa de 78 a 71 persoas, distribuídos en 53 pacientes no CHU de Pontevedra (49 en planta e 4 na UCI), 17 no Hospital Público do Salnés e 1 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 3.997 casos de coronavirus, con 35 falecementos, 2.733 altas e 1.229 casos activos nestes momentos.