MELLOR DATO DE CONTAXIOS DESDE HAI 5 SEMANAS

Coronavirus Galicia: 328 contaxios novos e baixan a 8.669 os casos activos.

É o día con menos contaxios rexistrados desde o 15 de outubro. Melloran todas as áreas sanitarias menos Ferrol, pero soben os hospitalizados. Luns de noticias positivas sobre a evolución do coronavirus en Galicia. Os 328 contaxios comunicados pola Xunta hai uns minutos son menos que os 444 do luns pasado, e a menor cifra nun día desde o 15 de outubro. Estes datos proceden dun número de tests PCR menor ao do luns da semana pasada, pero a clave é que a porcentaxe de positivos é moi inferior. Hoxe destaca o baixo número de novos contaxios nas área sanitarias da Coruña e Vigo, en ambos os casos por baixo dos 100. As únicas dúas malas noticias, á parte dos 9 falecementos das últimas 24 horas, son que Ferrol volve empeorar e que o número de hospitalizados ascende. Os 328 novos diagnósticos de hoxe son o 5,33% de positivos de 6.143 probas PCR, mentres que os 444 contaxios do luns pasado supoñían o 6,3% de positivos de 7.046 probas, 903 máis que hoxe. Na web de datos do Sergas di que nas últimas 24 horas confirmáronse 323 de COVID-19 por PCR, pero a diferenza entre o total de infectados desde o inicio da pandemia de hoxe (49.489) e o de onte (49.161) é de 328 persoas. Do mesmo xeito, os novos contaxios que indicamos por área sanitaria calculámolos co mesmo procedemento. Nas últimas 24 horas rexistráronse en Galicia 328 novos casos de SARS- CoV-2, 9 falecementos e 478 altas, o que fai que baixen en 159 persoas os casos de coronavirus, pasando dos 8.828 de onte aos 8.669 de hoxe. O total de hospitalizados sobe en 20 persoas e pasa dos 539 de onte aos 559 de hoxe. O total de casos de coronavirus contabilizados polo Sergas desde o inicio da pandemia é de 49.489. Evolución do número de contaxios e casos activos Novos casos confirmados nos últimos 14 días Todas as áreas melloran, menos Ferrol A única área sanitaria de Galicia que hoxe empeora en casos activos é a de Ferrol, pero a que máis contaxios rexistra é a de Pontevedra. A máis afectada segue sendo a de Vigo, con 2.260 casos activos (-60), seguida da Coruña con 1.798 (-44), Pontevedra con 1.234 (-1), Lugo con 1.097 (-20), Santiago con 959 (-16), Ferrol con 684 (+9) e Ourense con 637 (-27). Novos contaxios por áreas sanitarias A Coruña: 69 Ferrol: 42 Lugo: 38 Ourense: 16 Pontevedra: 78 Santiago: 41 Vigo: 44 Total: 328 O total de mortes desde o inicio da pandemia é de 1.146, 9 máis que onte, e xa son 527 nesta segunda onda. O total de hospitalizados é de 559, divididos en 100 de UCI e 459 en unidades de hospitalización. O total de probas PCR realizadas é de 854.141, delas 6.143 nas últimas 24 horas, cunha porcentaxe de positivos do 5,33%. Esta semana comeza mellor que a anterior. Os 328 casos novos de hoxe son menos que os 444 do luns. A semana que terminou onte tivo en total 3.798 casos novos, 187 máis que os 3.611 da anterior.