Os casos activos de coronavirus en Galicia apenas variaron nas últimas 24 horas. Segundo comunicou este venres a Consellería de Sanidade, os datos solicitados a última hora de onte ascendían a 4.361 pacientes, só tres máis que os notificados o día anterior. A isto hai que engadir os curados (236 ) e os 5 novos falecidos, suman un total de 244 novos enfermos.
A incidencia por áreas sanitarias distribúese da seguinte maneira, de acordo aos datos do departamento autonómico: na Coruña (1.403, cinco menos que o xoves), Lugo (855, 39 menos), Ourense (463, dez menos) e Ferrol (174, dous menos) os enfermos diminúen. Pola contra, Santiago (689, 31 máis), Pontevedra (413, dez máis) e Vigo (364, 16 máis) rexistran subidas.
A presión asistencial tamén crece, con 26 persoas ingresadas en UCI (unha máis que onte) e 201 noutras unidades de hospitalización (17 máis). O resto (4.134) pasan a enfermidade desde o domicilio.
Os falecementos, pola súa banda, elévanse a 676, despois de que dúas persoas –unha muller de 80 anos e un home de 76– morresen nas últimas horas no CHUO ouresá e o CHUAC coruñés, respectivamente. As altas sitúanse en 14.670 (236 máis que onte) e o número de PCRs realizadas, en 384.735.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.