Segue o preocupante ascenso de casos en Galicia: segundo os datos do sábado ofrecidos este domingo polo Sergas, a Comunidade conta con 591 casos activos de coronavirus, o que supón 58 (81 sumando o número de pacientes curados, 23) máis que os ofrecidos pola Xunta o sábado.
O gran aumento ségueo vivindo A Coruña e a súa área sanitaria, que está a sufrir restricións en residencias, bares, reunións ou lecer nocturno. Os casos nesta área son 302, 56 máis que os coñecidos o sábado. O 51% dos casos de Galicia están aí. Hai 83 casos activos en Vigo, dous máis que o sábado, 74 en Lugo (-5), 43 en Pontevedra (-1), 41 en Santiago, onde soben nun os casos, 41 en Ourense, catro máis, e 7 en Ferrol, un máis.
Este aumento de casos non se viu, con todo, reflectido na presión hospitalaria. Tanto é así que hai dúas persoas menos ingresadas: pasan de 25 a 23. Na UCI seguen dúas persoas e pasan a enfermidade no seu domicilio 566 (+51). Realizáronse ao redor de 1.700 PCR máis.
Tamén aumenta o número de casos en residencias: se o sábado había un usuario contaxiado, agora son tres. Os tres atópanse na mesma residencia: a DomusVi de Matogrande, en Coruña Segue habendo dous profesionais co Covid-19, nas residencias dos concellos lucenses de Xove e Paradela. Os falecidos elévanse a 621 despois dun novo falecemento, neste caso no hospital da Mariña: trátase dunha muller de 83 anos con patoloxías previas que estaba enferma de COVID-19 faleceu no hospital lucense na madrugada deste domingo, de acordo cos últimos datos da Consellería de Sanidade.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.