CUARTO REBROTE EN GALICIA

Tras os rebrotes na Mariña,Barbanza e Betanzos, a preocupación esténdese agora ao municipio lucense de Vilalba. Alí, segundo confirmou a alcaldesa, Elba Veleiro, hai xa catro positivos. O primeiro caso foi comunicado ao Concello para mediados de semana, a partir de aí o Sergas comezou a rastrexar todos os contactos para tratar de frear o brote canto antes. De momento, deu positivo unha parella e dúas persoas da súa contorna, pero a rexedora local asegura que, o previsible, é que nas próximas horas xurdan novos contagios como resultado das probas ás que, de forma exhaustiva, están a ser sometidos os achegados desas persoas. En Betanzos son xa 10 as persoas contaxiadas por coronavirus, un máis que na xornada anterior, segundo os datos difundidos esta mañá polo Sergas. Os servizos de saúde seguen rastrexando contactos estreitos dos contaxiados polo que a cifra tamén podería crecer. Os catro detectados nas últimas 48 horas non parecen ter relación coa familia que deu positivo hai uns días. A situación na Mariña continúa mellorando. En total hai 138 casos de coronavirus activos, dous menos que onte, segundo acaba de informa o presidente da Xunta Alberto Núñez Feijóo na rolda de prensa posterior ao Consello de la Xunta. A pesar dos rebrotes a cifra global de persoas que atravesan a enfermidade vírica en Galicia continúa á baixa. O último balance sanitario do Sergas, que recolle os casos a última hora da tarde do xoves, indica que hai 224 casos activos na Comuinidad, tres menos que a xornada anterior. Lugo continúa como a área sanitaria máis afectada con 160 casos, pero a cifra continúa invariable con respecto ao día previo. O descenso de casos a pesar dos novos focos explícase pola recuperación de pacientes que estaban a atravesar a enfermidade, nas últimas horas foron un total de 16 curados, o que eleva a cifra total desde que se iniciou a pandemia ata as 11.034 persoas. No resto de áreas sanitarias quedan 27 casos activos na Coruña, 4 en Ourense, 8 en Pontevedra, 17 en Vigo, 7 en Santiago e 1 en Ferrol. A presión hospitalaria segue sendo mínima a pesar dos novos focos, que na maior parte corresponden con persoas sen unha sintomatoloxía grave. Queda un único paciente de coronavirus na UCI e hai seis hospitalizados en planta.