ÚLTIMA ACTUALIZACIÓN DO CORONAVIRUS. 14 FALECIDOS, UN DO SALNÉS.

Os falecidos por coronavirus ascenden a 429 en Galicia, nun venres con repunte de mortes. As 14 vítimas mortais desta xornada superan as 13 do xoves, mentres non hai falecidos en residencias nas últimas 24 horas. Os 4 novos falecidos son dous homes de 68 e 83 anos, así como unha muller de 81 anos, que estaban no Complexo Hospitalario Universitario de Santiago (CHUS) e un home de 75 anos no Complexo Hospitalario Universitario da Coruña ( Chuac). Todos tiñan patoloxías previas. A estas 4 mortes súmanse outras 10 en hospitais: un home de 78 anos de idade e unha muller de 98 anos, que estaban ingresados no hospital vigués Povisa; dun home de 86 anos e unha muller de 87 anos, ingresados no Complexo Hospitalario Universitario de Santiago (CHUS); e dun home de 75 anos atendido no Complexo Hospitalario da Coruña ( Chuac), un home de 87 anos de idade, no Complexo Hospitalario de Ourense ( CHUO); un home de 68 anos no Hospital dá Mariña de Lugo; outro home, de 84 anos, ingresado no Complexo Hospitalario Universitario de Vigo ( Chuvi), un home de 85 anos, que estaba no Hospital Comarcal de Valdeorras (Ourense) e un home de 64 anos no Hospital Montecelo. Os falecidos por coronavirus ascenden a 429 en Galicia, nun venres con repunte de mortes Coa actualización de datos, o número de mortes rexistradas en hospitais elévase a 334: 99 na área sanitaria da Coruña, 67 na área de Vigo, 62 na área sanitaria de Ourense, 50 mortes na área sanitaria de Santiago, 21 na área de Ferrol, 22 na área de Lugo e 13 na área de Pontevedra-Salnés.

O veciño da Illa falecido hoxe fora o primeiro caso coñecido na Illa. Estivo ingresado no Hospital do Salnés, pero debido o seu empeoramento foi trasladado á UCI de Montecelo, onde permaneceu ata hoxe loitando pola súa vida. Un mes exáctamente facía hoxe do seu ingreso no H. do Salnés

O home regresara a principios de marzo con síntomas da enfermidade dunha viaxe a Huelva que realizou acompañado da súa muller e doutras dúas persoas.
Os tres permanecen asintomáticos illados nos seus domicilios na última fase da corentena.

É o terceiro falecemento que se rexistra na comarca a consecuencia do coronavirus. O primeiro fora un cambadés de 76 anos e despois falecera un vilagarcián de 59 anos.