OITO FALECIDOS NAS ÚLTIMAS HORAS FAN CHEGAR A CIFRA A 523

O coronavirus deu hoxe un pequeno respiro a Galicia despois de varios días de repunte, e o número de novos casos reportados hoxe 26 de abril baixou a 60, a menor cifra desde o 18 de marzo. Trátase dunha boa noticia despois de varios días nos que o número de diagnósticos en Galicia había repuntado, chegando a 184 no día de onte. O total de casos galegos alcanza 9176 persoas desde o inicio da pandemia, cun crecemento de só o 0,65%, o menor desde que comezou esta crise.  Desde que se iniciou a pandemia Galicia detectou 9.176 persoas infectadas.

Balance do Sergas deste domingo: os casos activos en Galicia son 6.856, 32 (netos ao que hai que sumar 20 altas e 8 falecementos) máis que o sábado (+0,46%). O número de probas PCR tamén baixa tras cífra récord de onte e é de 2.697 novas probas. En Galicia xa se fixeron 85.690. As UCI reducen a súa ocupación en 5 pacientes, ata os 85 e tamén abandonaron 5 persoas as plantas dos hospitais galegos, sendo 490 pacientes. Hai 20 altas máis, chegando ás 1.803.

Os mortos son 523, con 4 novos falecementos en centros residenciais. 242 deses 519 decesos prodúcense nestes centros, o que sitúa a cifra no 46,6%.
O Sergas informa de catro mortos máis en hospitais de Galicia. Son un home de 89 anos que estaba ingresado no CHUS; unha muller de 90 anos que estaba ingresada no CHUAC; un home de 67 anos que estaba ingresado no CHUO; e unha muller de 86 anos que estaba ingresada no Hospital do Barbanza. Todos eles tiñan patoloxías previas. A suma de falecidos en Galicia por coronavirus é xa de 523.

Respecto das 4 persoas falecidas onte en centros residenciais, 1 foi da residencia Con-cepción Arenal (A Coruña), 2 de DomusVi Matogrande (A Coruña) e 1 do centro resi-dencial DomusVi Barreiro (Vigo).

Os datos de centros residenciais de servizos sociais corresponden aos que achegan con carácter diario os propios centros.