MÁIS MORTOS NA MAÑÁN DE HOXE QUE ONTE EN TODO O DÍA

O datos de contaxiados de hoxe, sábado: 184 novos casos de coronavirus en Galicia, un novo repunte na cifra de diagnósticos diarios na comunidade galega, que eleva a 9116 os casos da enfermidade desde o inicio da pandemia. Volven a repuntar os casos activos en Galicia: 120 máis que onte 6.824 permanecen enfermas da Covid-19 en Galicia, o que supón 120 máis que onte venres. É a última actualización do Sergas, que confirma o repunte que vive a Comunidade nos últimos días, a pesar de que onte a cifra relaxouse nun aumento de só 57 casos. Soben os casos na UCI en 3, ata os 90, outra mala noticia nun ambiente xeneralizado de baixada. As boas noticias chegan nas altas, que soben en 53 ata as 1.783 e as 36 persoas hospitalizadas menos, que se sitúan en 495. Os casos en domicilio soben en 153 ata os 6.239. Outro dato positivo é que as probas PCR elévanse en máis de 4.000, ata as 82.993, o que podería xustificar en parte o aumento de casos.

Tres novas mortes en hospitais e 5 en Residencias este sábado elevan o número de vítimas mortais por coronavirus en Galicia ata as 512, informaron fontes da Consellería de Sanidade. Trátase de dúas mulleres de 90 e 83 anos, respectivamente, que estaban ingresadas no Complexo Hospitalario Universitario de Ourense ( CHUO) e dun home de 92 anos que estaba ingresado no Complexo Hospitalario Universitario da Coruña (CHUAC). Tiñan patoloxías previas. A estas mortes hai que sumar as 5 persoas falecidas onte en centros residenciais, 1 foi da residencia Concepción Arenal (A Coruña), 1 de DomusVi Matogrande (A Coruña), 1 do centro residencial Portazgo (A Coruña), 1 da residencia As Fragas (Pontedeume) e 1 de DomusVi Cangas.

Os datos de centros residenciais de servizos sociais corresponden aos que achegan con carácter diario os propios centros.