CONFIRMADO COMO E EN QUE HORARIOS PODERASE PASEAR E FACER EXERCICIO

Tras os primeiros días en que os nenos ata 14 anos podían ir á rúa de 9 da mañá a 9 da noite, este horario modifícase. Os máis pequenos poderán saír a partir do sábado de 12 da mañá a 7 da tarde e coas mesmas normas que ata o de agora: 3 nenos acompañados dun adulto que conviva con eles, a un quilómetro de distancia da súa casa, durante unha hora e podendo levar os seus xoguetes. Todas estas franxas horarias pero non se aplican nos municipios de menos de 5.000 habitantes. Neles poderase pasear ou facer deporte durante todo o día, entre as 6 e as 23 horas, pero sempre unha vez ao día.

Comparecencia do Ministro no Congreso

Horas antes, o ministro de Sanidade, Salvador Illa, compareceu, por sexta semana consecutiva, ante a Comisión de Sanidade do Congreso. Informou aos grupos parlamentarios sobre a situación da crise sanitaria xerada polo Covid-19 e sobre a evolución das medidas tomadas polo seu departamento para acabar coa pandemia. O ministro acudiu a comparecer en sede parlamentaria a petición propia e por solicitude de PP e Vox, que reclamaran a súa presenza na Cámara baixa, para que dese conta das decisións tomadas polo departamento que dirixe Illa na última semana. A presenza do responsable de Sanidade no Congreso produciuse, nesta ocasión, dous días despois de que o Goberno fixese público o Plan de desescalada para a poboación, co obxectivo de chegar á denominada polo Executivo «nova normalidade» a finais de xuño. Tamén foi a primeira intervención de Illa tras a decisión do Goberno de permitir a saída controlada de nenos á rúa tras máis de 40 días confinados.
RESUMO
- De 6 a 10 e de 20 a 23 horas: deportes individuais e paseos de adultos de entre 14 e 70 anos. - De 10 a 12 e 19 a 20 horas: maiores de 70 anos e persoas dependentes. - De 12 a 19 horas: nenos menores de 14 anos.