GALICIA PECHA O DÍA CON FALECEMENTOS TRALA TRÉGUA DE ONTE

Volve a pecharse outro día con falecementos con coronavirus tralo paréntese de onte, no que non morrera ninguén.
O total de vítimas do Covid-19 en Galicia elévase a 555 co falecemento doutros catro pacientes, todos con patoloxías previas: unha muller de 55 anos no CHUO ourensán, unha muller de 89 no CHUS de Santiago, unha muller de 92 no CHUVI vigués e un home de 90 anos no Hospital San Rafael na Coruña.
A esteas catro defuncións hai que engadir outras 4 notificadas esta mañán. Dúas mulleres de 86 e 90 anos que estaban ingresadas no CHUO; unha muller de 96 anos e un home de 48 anos que tamén estaba ingresado no CHUS.
Todas elas con patoloxías previas.

Por áreas sanitarias, rexistráronse 115 mortes en hospitais da área da Coruña; 88 en hospitais da área de Vigo; 87 na área de Ourense; 73 na área de Santiago; 25 falecidos en hospitais da área de Lugo; 24 na área de Ferrol; e 15 na área de Pontevedra.