A PARTIRES DO 2 DE MAIO PODEREMOS SAÍR A PASEAR

Pedro Sánchez compareceu de novo este sábado para volver facer balance e dar a última información da crise do coronavirus en España. Durante a súa comparecencia anunciou que, no caso de que a evolución da pandemia siga sendo positiva, a partir do 2 de maio introducirase unha nova medida de alivio do desconfinamento: Poder saír á rúa para realizar exercicio físico. En concreto, o Presidente afirmou que se poderá «saír a facer actividades físicas e pasear». Especificou, ademais, que as persoas que conviven xuntas poderán saír tamén a pasear xuntas. O Presidente asegurou tamén que esta medida introducirase a condición de que as saídas con nenos e nenas menores de 14 anos non provoquen un aumento de contaxiados. Pediu ás familias que a partir de mañá, cando un adulto salga á rúa cos máis pequenos e dentro das condicións establecidas, actúen con responsabilidade e con «a máxima seguridade». Cumprir tales requisitos « escrupolosamente» é « importantísimo» para que non se contaxien quen saia, e así, non contaxien aos demais. O presidente deixou claro que se esta «prudencia» queda corroborada, algo do que non ten dúbida segundo dixo, haberá sucesivas medidas de alivio, e unha delas será que a partir do 2 de maio, se a propagación segue contida, poderase saír a facer actividades físicas e a dar paseos. O Ministerio de Sanidade será o que decidirá definitivamente se levará a cabo a nova medida e como se fará, será a próxima semana. O Goberno aprobará o martes un plan de desconfinamento O presidente do Goberno, Pedro Sánchez, anunciou que o martes o Consello de Ministros aprobará o plan de desconfinamento do país para a súa aplicación para partir do mes de maio, un plan que se aplicará de maneira asimétrica no conxunto do país e a distintas velocidades pero que decidirá e coordinará o Executivo. Sánchez explicou que todos os territorios non avanzarán á mesma velocidade «pero si coas mesmas regras» porque o virus «non atende a lindes administrativas». O proceso de desescalada rexerase por uns indicadores que se terán que cumprir, engadiu, e que serán «accesibles ao público», para que os cidadáns coñezan «os criterios obxectivos» que se van a ir aplicando. «Esta segunda etapa de transición está tan infestada de riscos e perigos como a primeira. Non dispoñemos dun manual infalible», resaltou. «Non imos recuperar de golpe toda a actividade e a mobilidade, senón por etapas», quixo recalcar.