CONFIRMADO: NICKY JAM ACTUARÁ O VENRES DO ALBARIÑO EN CAMBADOS

- Cambados presenta a primeira das actuacións da vindeira festa do Albariño
- As entradas sairán a venta o vindeiro venres, e poñeranse 400 entradas cun prezo reducido para os veciños de Cambados.

O Top Mundial NICKY JAM , será o Artista Internacional que ofrecerá un concerto exclusivo nas Festas do Albariño 2020.
O concerto terá lugar o venres 31 de Xullo na PRAZA FEFIÑANES cun aforo reducido. Só se poñerán á venda 5.000 entradas, as entradas poderanse adquirir o venres 6 de marzo desde as 10:00 hr en WWW.ATAQUILLA.COM
As primeiras 1.000 entradas sairán cun prezo reducido de 25€ gastos e as seguintes serán a 45€ gastos ata completar aforo. Desde o Concello, poñerán 400 entradas a prezo reducido de 15€ máis gastos de xestión para os censados en Cambados, que terán que acreditalo mediante o DNI ou volante de empadroamento. As entradas poderanse adquirir, cun máximo de dúas por persoa, o venres 6 de marzo a partires das 17:00 hr en EXPOSALNÉS – Cambados.
Para poder acceder ao concerto os menores de 16 anos terán que ir acompañados do Pai, Nai ou titor legal, e aos comprendidos entre 16 e 18 anos terán que presentar na entrada do concerto una autorización dos titores que poderán descargar da web do Concello de Cambados.

Nick Rivera Caminero ( Boston, Massachusetts, Estados Unidos; 17 de marzo de 1981), máis coñecido como Nicky Jam, é un cantante estadounidense. Desde moi novo comezou a rapear e ao realizar unha actuación nun supermercado, chamou a atención dunha señora, quen era esposa dun director executivo dun selo discográfico. Jam asinou un contrato de gravación e con case catorce anos, lanzou o seu álbum debut.​ A mediados dos anos 1990 coñeceu a Daddy Yankee, con quen formou un dúo. Xuntos crearon varios éxitos musicais, pero en 2004 disolvéronse por diversos conflitos persoais.​ A finais da década dos anos 2000 a carreira musical de Jam sufriu un descenso, polo que decidiu mudarse a Medellín, Colombia entre 2007 e 2010, co propósito de lanzar novamente a súa carreira artística. En 2014 Nicky empezou a gañar popularidade novamente en varios países de Latinoamérica cos seus sinxelos « Travesuras» e «Voy a beber».​ En 2015, lanza o tema «El perdón», que se converteu nun éxito en América e en varios países europeos como España, Alemaña, Francia, Portugal e Suíza, entre outros. «El perdón» gañou o galardón a mellor interpretación urbana nos Premios Grammy Latinos de 2015  e nos Latin American Music Awards os premios como sinxelo do ano e colaboración favorita, respectivamente.