UNHA MULLER RESULTA FERIDA NUN ACCIDENTE NA AUTOVÍA DO SALNÉS

Esta tarde produciuse un aparatoso accidente de circulación na estrada VG-4.3 no punto quilométrico 2.800 ao seu paso por Cambados.

Unha muller veciña de Pontecesures resultou ferida no suceso, despois de que o coche no que viaxaba saíse da vía polo costado esquerdo e mesmo chegase a envorcar, segundo relatan o Servizo de Emerxencia do Concello de Cambados.

Ata o lugar dos feitos acudiron efectivos do 061, Policia Local de Vilanova, Bombeiros do Salnés e Emerxencias de Cambados.

A muller foi evacuada en ambulancia ao Hospital do Salnés con dor cervical e lumbar.