BO DEBUT DO TENIS DE MESA CAMBADOS A PESARES DA DERROTA

O arranque da Superdivisión Masculina de Tenis de Mesa mostrou a gran igualdade que se espera na máxima competición nacional, cos empates en Burgos e Pontevedra e as vitorias axustadas no resto de encontros.

A primeira xornada comezou en Galicia, onde AD Vincios recibía ao recentemente ascendido Cambados Tenis de Mesa. Os debutantes comezaron con bo pé, logrando os dous primeiros puntos do partido, grazas ao bo facer de Shaposhnikov e Padín. Con todo, os locais mostraron a súa bagaxe en Superdivisión para darlle a volta ao marcador, con catro triunfos consecutivos de Krivosheev, por partida dobre, Pryshchepa e Pintos e adxudicándose a primeira vitoria da tempada por 4-2.