DERRADEIRO PARTIDO DA FASE REGULAR DO XUVEN CEV17

O Agustinos Eras e o Xuven Cambados Cidade Europea do Viño pechan a liga regular nun partido que unhas semanas atrás presumíase clave para os dous na pelexa dos leoneses por estar no play off de ascenso e no dos galegos para lograr o ascenso directo que se lles esfumou a pasada xornada. Un partido que arrincará ás 20:00 horas (sábado 22 de abril) no Palacio en horario unificado para toda a xornada

Chegarán a León con menos en xogo, pero con algo importante para os amarelos como é chegar na mellor posición posible á loita pola segunda praza do ascenso co que iso supón de ter vantaxe de cancha. Un triunfo garantiría aos de Cambados a vantaxe de cancha nas dúas primeiras roldas da fase de ascenso. E iso é importante porque se non hai sorpresas, os galegos veríanse as caras co Lucentum de Alacante na segunda rolda da loita por ascender.

Non llo poñerá sinxelo o equipo de Jareño que despois de dúas derrotas seguidas quererá dar unha alegría á súa afección para pechar unha primeira tempada na liga LEB Prata que os do Agustinos Eras saldaron cunha nota moi alta.