O sábado 5 de Agosto,
Cambados recibe tras anos de clamor popular á banda do Barbanza. Tralos
rumores filtrados durante a negociación entre concello e axencia,
confírmase de xeito oficial que Heredeiros suben ao escenario da Praza de Fefiñáns
coas súas letras descaradas e divertidas e súa a actitude provocadora e
irreverente que os consolidan como un símbolo para milleiros de galegos
e galegas desexosos de música e cultura coa que identificarse.
O grupo inicia a principios de xullo unha xira que repasará o mellor da
súa longa carreira musical. Cun espectáculo totalmente renovado,
percorrerán unha selección de localidades das que xa se coñecen as citas
no Asalto ao Castelo de Vimianzo e na Festa da Dorna en Riveira.
Este tour '25 anos' pretende recalar naquelas festas populares salientables
onde Heredeiros non tivera tocado todavía. A intención é celebrar por
todo o alto e co máximo público posible tantos anos baixo os focos. É
por eso que Heredeiros fai un 'chamamento aos seus siareiros' para que acudan a todas e cada unha destas celebracións porque 'son únicas e diferentes, como o serán os nosos concertos'.
Será unha boa oportunidade para disfrutalos na súa formación base (Fran Velo, baixo; Manu Rey, batería; Tucho Novo, guitarra; Tonhito de Poi, guitarra; Javi Maneiro, voz) e de escoitar temas que se recuperarán a propósito para a celebración deste 25 aniversario.
Esta xira é só parte dun gran número de actividades que terán lugar
durante o 2017 e que terá o seu broche de ouro, xa a inicios do 2018,
coa saída dun novo traballo discográfico que verá a luz en formato
vinilo.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.