Un incendio rexistrado esta noite nun taller de Cambados queimou catro coches. Dous deles quedaron calcinados por completo. O lume tamén afectou ao teito do garaxe.
As instalacións nas que se produciron os feitos sitúanse na Avenida de Vilagarcía, na parroquia de Corbillón. Unha persoa particular daba a voz de alarma ao 112 Galicia ás 22:10 horas desta noite. Segundo indicou, vía saír fume do baixo dunha casa destinado a taller.
O persoal do Centro de Atención ás Emerxencias do 112 alertou aos Bombeiros do Salnés, a Protección Civil, á Policía Local e á Garda Civil. A situación tamén foi posta en coñecemento dos efectivos de Urxencias Médicas, aínda que en ningún momento foi precisa a súa intervención.
Polo de agora descoñécense as causas que causaron o incendio.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.