"EROSKI PARAÍSO" ÚLTIMA SESIÓN DO ANO DE TEATRO PARA ADULTOS

O próximo domingo 30 de outubro ás 19:00h no Auditorio da Xuventude poderedes disfrutar da última sesión do ciclo de teatro para adultos co espectáculo "Eroski Paraíso" da compañía Chévere (Premio Nacional de Teatro).
Abriremos a taquilla do auditorio a partir das 18:00 horas.

Eroski Paraíso é un curioso experimento que entrelaza a linguaxe teatral co cinematográfico. Os espectadores asisten a unha obra escénica que simula ser a rodaxe dun documental sobre a desaparición da antiga sala de festas Paraíso, que funcionou na localidade de Muros (A Coruña) entre 1972 e 1990, e a súa posterior transformación nun supermercado. Un feito real sobre o cal Chévere constrúe unha metáfora do desmoronamiento do Estado do benestar. "O paraíso prometido era en realidade un gran hipermercado no que debemos actuar como consumidores pasivos e felices para devolver con intereses o feito de aceptar a promesa dun futuro mellor", explica a compañía. 


Non hai nostalxia na mirada ao pasado de Chévere. É unha reconstrución documental, realizada a partir de testemuños recolleitos pola compañía durante meses entre os habitantes do pobo de Muros, aínda que iso non significa que non teña emoción. A memoria colectiva, como demostra este espectáculo, vén cargada de emoción.