O CASTELÁN NON ESTÁ BEN VISTO NA TVG

Na TVG non está ben visto non falar galego.

O xoves no programa de cociña "Desafío nos fogóns" que emite a Televisión de Galicia, unha concursante fixo a sua presentación en castelán. O programa fora gravado en Cambados (Pontevedra), de onde procedía a concursante que empezou a súa intervención falando en castelán.

Un dos presentadores do programa (pódese ver aquí o vídeo a partir do minuto 10:30), o actor Federico Pérez Rey, interrompeu á concursante en canto percibiu que estaba a falar en castelán:
Es de Cambados? Entón para que falas en castelán? 
A moza cambadesa quedou cortada, pero con educación respostou, dicindo que lle saía así pero que tamén falaba galego.
Tamén non, tes que falalo?, engadiu o presentador.

Hai que lembrar que Galicia é unha comunidade autónoma con dúas linguas oficiais, español e galego, e polo tanto en todas nas localidades da rexión hai moitos galegos que teñen por lingua materna e/ou de uso habitual o castelán, e está no dereito de usalo.
Se o programa ten como requisito que os concursantes usen a lingua galega, desde logo non terían máis que que avisalo.
As formas non foron as máis educadas e tolerantes de pedirlle a unha concursante que use o galego.

Coñecendo á rapaza e a familia sei que o castelán é o idioma no que se expresan habitualmente.

Comprendemos que é lóxico e normal que desde a TVG queiran dar un pulo a nosa lingua pero o galego deféndese con educación e non impoñendóo. E con políticas de fomento do idioma desde a Xunta..