O CONCELLO DEVOLVERÁ OS CARTOS DAS TAXAS DA O.P.E DO 2006

ACORDO DA XUNTA DE GOBERNO LOCAL RELATIVO Á CADUCIDADE 
DA OFERTA DE EMPREGO PÚBLICO 2006

CONCELLO DE CAMBADOS

Faise público para xeral coñecemento que a Xunta de Goberno Local, en sesión celebrada o pasado día 28.09.2015, adoptou, entre outros, o seguinte acordo: “Caducidade oferta de emprego público 2006.—Visto que en data 7 de agosto o Concello de Cambados solicitou informe á Deputación de Pontevedra sobre a posibilidade de caducidade da citada oferta de emprego público.

Visto o informe emitido polo Xefe de Servizo de Asistencia Intermunicipal, de data 21 de agosto de 2015, no que se conclúe que trancorreron máis de 9 anos desde a aprobación da Oferta e é polo que se debería declarar a caducidade da mesma.

Visto o informe emitido polo Secretario Municipal, de data 14 de setembro de 2015, no que se conclúe que se debería declarar a caducidade, no mesmo sentido que o informe da Excma. Deputación de Pontevedra e unha vez declarada a mesma, o Concello debería devolver ós aspirantes as taxas aboadas, xa que do contrario estaríamos ante un enriquecemento inxusto da Administración.

Polo que, en base ós informes expostos e ó artigo 70 do Estatuto Básico do Empregado Público, a Xunta de Goberno Local, acorda:

Primeiro.—Declarar a caducidade da Oferta de Emprego Público do ano 2006, unha vez transcorridos máis de tres anos desde a súa aprobación e en virtude do artigo 70.1 do Estatuto Básico do Empregado Público, sendo afectadas as seguintes prazas:

PERSOAL FUNCIONARIO:
— 1 Letrado Asesor-Xurídico
— 1 Arquitecto
— 2 Administrativos
— 1 Cabo de Policía Local
— 4 Gardas da Policía Local
— 2 Auxiliares administrativos
— 3 Operarios
PERSOAL LABORAL:
— 1 Asistente Social
— 1 Técnico de xestión cultural e deportiva
— 1 Dinamizador xuvenil
— 7 auxiliares de museos e información turística
— 1 Encargado de brigada
— 1 Encargado de pavillón
— 8 Operarios de zona
— 1 Responsable de almacén
— 1 Conductor
— 1 Conserxe-limpiador de colexio público
— 1 Limpiador dependencias municipais
Segundo.—Que se publique o presente acordo no Boletín Oficial da Provincia de Pontevedra, para xeral coñecemento.

Terceiro.—Que se dea conta á Intervención e Tesourería Municipais e ó Departamento de Persoal para o seu coñecemento e ós efectos de que se proceda á devolución das taxas aboadas no seu día polos aspirantes.”