Rescatadas nove persoas tras afundirse un veleiro nas proximidades da Illa da Toxa
Un total de nove persoas foron rescatadas esta tarde tras afundirse o veleiro no que navegaban nas proximidades da Illa de A Toxa, no concello de O Grove. Por fortuna, ningunha delas precisou asistencia sanitaria. Unha embarcación do clube naútico ao que pertencían foi a encargada de rescatar aos afectados, que conseguiran chegar polos seus propios medios a unhas rochas próximas.
Así, foron levados ao peirao de Santo Tomé, en Cambados, en perfecto estado de saúde. Así o relataron os efectivos de Protección Civil de O Grove, que indicaron, ademais, que o afundimento do veleiro podería deberse a unha manobra errónea durante a navegación. O CAE 112 Galicia recibiu a chamada de alerta dun particular ao fío das 17:00 horas de hoxe. De seguido, puxo en marcha un operativo no que participaron Salvamento Marítimo, que movilizou a embarcación Irmáns García Nodal, e ao Servizo de Gardacostas de Galicia, que enviou o helicóptero Pesca I. Ademais, o 112 Galicia púxoo en coñecemento de Protección Civil de O Grove, Urxencias Médicas e Garda Civil.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.