DOUS CAMBADESES CAMPIÓNS DO MUNDO

O equipo español resultou gañador esta mesma tarde en Francia o campionato mundial de cata a cegas do cal se celebraba a súa terceira edición, diante do equipo de Bélxica e de Suecia.
Participaron un total de 20 países que debían de adiviñar a cepa, o país, a denominación de orixe, o produtor e o ano de cada un dos doce viños en concurso.

España estivo representada por Philippe Cesco, José Aragunde (Cambados), Roberto Santana (Canarias) e Alfonso Torrente (Sarria) e Eulogio Pomares (Enólogo) que conseguiron un total de 140 puntos, dous máis que o conxunto belga e 25 máis que os suecos.

A competición estivo organizada pola publicación "A revue du vin de France" e celebrouse en Châteauneuf-du-Pape, no sur do país.


Os españois, segundo indicou esa revista na súa páxina web, só reuníronse unha vez para preparar este concurso e, aínda que satisfeitos pola súa vitoria, lamentaron non poder identificar un Bollinger.

No campionato participaron igualmente equipos de Andorra, Francia, Rusia, o Reino Unido, Polonia, Portugal, Québec (Canadá), Finlandia, Sudáfrica, China, Arxentina, Luxemburgo, Italia, Xapón, Mónaco, Suíza e EEUU, país que se colocou no último posto, con 69 puntos.

A cata incluíu cinco viños franceses e caldos de Nova Zelandia, Alemaña, Croacia, Grecia, Italia, Sudáfrica e España, de onde se contou cun tempranillo de 2006 da adega Quinta Sandoria.