NOVA DERROTA DO XUVEN

O Cáceres Patrimonio da Humanidade 
logrou onte un importante triunfo na súa visita á pista de Cambados nun choque no que sempre foi por diante no marcador.
Cáceres chegaba a O Pombal en busca dun novo triunfo, o quinto seguido. Non se fiaba Ñete Bohigas dos locais, malia o 2-3 que indicaba na clasificación do Xuven Cambados.
Dende o asubío inicial Cáceres foi mellor que o seu rival, ao que atou as mans cunha espectacular defensa.
Cambados intentou apertar en defensa, pero ante a zona local Cáceres mostrouse moi acertado e mediado o cuarto xa gañaba de 13 puntos (6-19).
Pouco a pouco os locais empezaron a encontrarse máis cómodos e a súa agresividade en defensa empezou a dar resultados, evitando así que o Cáceres ampliase aínda máis a súa renda e chegando ao final do primeiro cuarto con 12 puntos de diferenza (14-26). O segundo cuarto comezou con dúas defensas moi intensas e moitas idas e vindas. Taylor García empezaba a dar mostras do seu grande certo e os locais conseguían colocarse a nove puntos (21-30) a falta de 7 minutos para o descanso. Pero Jaktas e un triplo de Kasse volvían elevar a renda (21-35). Os puntos estaban a chegar na súa maioría dende o perímetro e o choque viviu momentos de intercambio de canastras.
Da man de Taylor García, os locais conseguían reducir as diferenzas ata o 41-46. Faltaban 48 segundos e o marcador non se movería máis ata a segunda parte.
As defensas volveron impoñerse no inicio do terceiro cuarto e a primeira canastra tardou máis de dous minutos en chegar. Foi Taylor García, cun novo triplo, o que rompía a seca e achegaba aos locais a só 3 puntos do seu rival (43-46).
Cáceres recuperou o mando e pouco a pouco foi volvendo abrir brecha no luminoso ata colocarse con 12 de vantaxe ao final deste terceiro cuarto (53-65).
Cambados puxo toda a carne no asador no inicio do último cuarto ante un Cáceres que sabía que non podía baixar a garda en defensa se non quería acabar sufrindo. Malia todo, o partido parecía máis aberto que no cuarto anterior e as canastras ían chegando. Taylor García achegaba os locais a cinco puntos (60-65) aproveitando as rotacións no equipo visitante, pero un novo "arreón" dos extremeños volvía colocalos con 17 puntos a falta de 4.34 para a conclusión (62-79).

O Cambados tratou de reaccionar, pero os seus intentos por anotar deixaban moitos espazos a Cáceres, que non quitou o pé do acelerador e acabou impoñéndose por 71-86.

XUVEN CAMBADOS: Rodríguez (10), Quintela (3), Nkaloulou (5), Taylor García (19), Bolin (2) --cinco inicial-- Nakidjim (8), Whitworth (5), Vaquero (3), Orellano (8), Oubiña (2), Green (6).

CACERES PATRIMONIO DE LA HUMANIDAD: Ben Mockford (11), Marco (10), Sebirumbi (4), Cruz (18), Fernando Fernández (12) --cinco inicial-- Corrales (4), Jakstas (13), Toledo (4), Kasse (10).

MARCADOR POR CUARTOS: 14-26, 41-46 (descanso), 53-65 y 71-86.

ARBITROS: González Zumajo y Hurtado Almansa. Sen eliminados.