DIA INTERNACIONAL DO ENOTURISMO EN CAMBADOS

Cambados celebrou o Día Internacional do Enoturismo cun concurso de Cata Amateur. Unha actividade lúdica e gratuíta que pretende achegar os máis novos á cultura e o patrimonio do viño.
Máis dunha vintena de bodegas deron vida a este concurso que pretende frear as cifras do último estudo elaborado polo observatorio do viño. As mesmas revelan que España se consolida como o principal produtor a nivel europeo pero non así no referente ao consumo, onde acada os últimos postos da lista. 
Forma parte dunha cultura milenaria e queren seguir mantendo viva esta tradición. A través desta cata amateur feita en Cambados pretenden fomentar o consumo responsable dos nosos viños. 

O consumo de viño descendeu en España de maneira considerable respecto a outros países produtores de Europa. Algo que moitos non entenden cando somos os primeiros a nivel de produción. 
Máis de cen persoas participaron nesta cata. Paralelamente a esta actividade o Museo Etnográfico do Viño celebrou unha xornada de portas abertas para conmemorar este día.