CONCERTAZO ESTE DOMINGO NO AUDITORIO

O auditorio da Xuventude de Cambados acolle este domingo, ás 20:30 horas, a actuación da pianista do Xapón  Mine Kawakami, unha actividade que se enmarca dentro do programa do ano dual España-Xapón,  e que levou a esta pianista a dar concertos en varios puntos de Galicia durante este ano, o último onte na Catedral de Santiago de Compostela.

Naceu na cidade de Nagakute, Xapón en 1969. Empezou a tocar o piano aos 3 anos. É titulada pola escola superior de Aichi,Prefectura Meiwa, en música. Se graduó no Hoschule für Musik de Munich e no Real Conservatorio Superior de Música de Madrid. Como intérprete de música clásica, realizou actuacións polos cinco continentes, organizados por fundaciones como YAMAHA, NHK (Japan Broadcasting Corporation), Japan Foundation, SEEI, Embaixada de España en Xapón ou o Ministerio de Asuntos Exteriores de Xapón. recibiu os premios Radio de Nagoya (1986) e o do Concurso do Conservatorio de Munich (1990).
En 1996 comeza a súa carreira como compositora. A súa música cálida, envolvente,suxestiva e cargada de enerxía positiva é un claro reflexo das moitas experiencias obtidas nas súas viaxes por distintos recunchos do mundo. Fala á perfección español, xaponés e alemán. Os concertos de Mine Kawakami caracterízanse por unha fluída comunicación co público, ao que axuda a introducirse na paisaxe musical que describe con divertidas e interesantes anécdotas e explicacións.

Entre os proxectos que realizou destacan o concerto a dous pianos xunto a Chucho Valdés no Teatro Amadeo Roldán da Habana no 2004. No 2005 foi a pianista e compositora oficial da Expo Internacional Aichi 2005 (Xapón), no 2008 trae a España "Os Concertos do Soño", unha proposta experimental nada en Xapón, que se achega e subliña algúns conceptos da musicoterapia e en 2013 Mine Kawakami foi a encargada de compoñer "Sonata samurai" dentro dos actos culturais organizados para a conmemoración do "Ano dual España-Xapón", estreándose esta composición o pasado 11 de xuño no Teatro Real de Madrid, ante a presenza dos Príncipes de Asturias e o Príncipe Herdeiro do Xapón, Naruhito. O 11 de marzo de 2014, toca no interior da Mezquita-Catedral de Córdoba un extraordinario concerto que reuniu a máis de 1.400 persoas.

En palabras de Mine "O piano pode expresar infinidade de posibles sons, ritmos e tons. Desexo que as miñas composicións e a miña forma de tocar transmita o conmovedor que poden resultar as árbores na jungla, o son do vento ou a voz da terra"