INTENSIFICAN A BUSCA DE ANGELITA BORRAGEIROS

AS ESPERANZAS DE ATOPALA CON VIDA CADA DIA QUE PASA SON MENORES

Os efectivos da Garda Civil e de Protección Civil de Vilanova de Arousa e de Cambados intensificaron a busca da muller de 87 anos, veciña de Vilanova, que desapareceu durante a xornada deste luns 7 de xullo. 
 O dispositivo de busca ampliouse ante a falta de resultados e estendeuse ata a depuradora de auga de Treviscoso e algunhas cuadrillas chegaron ata Cambados. Ao operativo de busca dirixido pola Garda Civil e no que participan distintas cuadrillas de Protección Civil sumáronse unha vintena de veciños que rastrexan os montes da zona.
A denuncia efectuouse pasadas as 23.00 horas e iniciouse unha inspección pola zona próxima á súa vivenda. A última vez que a viron foi durante a tarde, entre as 18.00 e as 20.00 horas nas proximidades de Monte Lobeira.
Durante o dia de hoxe, os efectivos continúan buscando a anciá por zonas nas que, hai anos, facía percorridos acompañando o gando a zonas de pasto, principalmente na parroquia de András, ao igual que en Tremoedo e Oubiña.
Segundo fontes de Protección Civil, a desaparecida, Ángela Borrageiros Serantes, coñecida como "Angelita", sofre a enfermidade de Parkinson. Cando saíu do seu domicilio vestía un pantalón negro e unha sudadeira branca sen carapucha. É loira e de estatura media.