FESTA DA VIEIRA EN CAMBADOS

A "Festa da Vieira" celebrarase en Cambados durante todo o próximo fin de semana, do 18 ao 20 de xullo. Este exquisito manxar poderase degustar na carpa gastronómica que se instalará no Paseo da Calzada e o servizo de cociña correrá a cargo de tres importantes restaurantes da localidade: o Pandemonium, o Ribadomar e a Taberna do Trasno.
Si decides aproveitar para descubrir esta vila mariñeira poderás degustar receitas diferentes, indo desde a preparación máis tradicional ás fórmulas máis innovadoras.
A festa inclúe tamén polo menos dous concertos. Un deles corre a cargo do Septeto Naborí, de Santiago de Cuba, que actúa o día 19. E o 20 será a banda de música de Peñafiel (Valladolid) a que se suba ao escenario. Este concerto encádrase no programa Música con Denominación de Orixe, que patrocina a Secretaría de Estado de Cultura e que conlleva outra actuación da Banda de Castrelo na cidade castelá.
A programación da Festa dá Vieira de Cambados inclúe tamén unha competición deportiva, que será o primeiro trofeo Mini-BTT do Concello de Cambados, e que terá lugar o día 19 no monte da Pastora. Ese mesmo día haberá unha demostración de artes marciales.