O XEOCACHING BUSCOU TESOUROS EN CAMBADOS

A cambadesa, aínda que afincada en Pontevedra, Ana Abal é unha destacada xeocacher na nosa provincia i en Galicia. Nesta ocasión estivo arroupada por parte da sua familia.

 A T.V.G. fixo unha reportaxe sobre o fenómeno mundial que conta con millóns de seguidores no mundo. Pica aquí para velo.
O xeocaching gaña adeptos en todo o mundo. Este xogo coñecido coloquialmente como a nova búsqueda do tesouro xa conta en Galicia con máis de 1.700 xeocachers. Naceu gracias o GPS e permite a búsqueda de obxectos agochados en calquera lugar. Zonas urbanas, rurales e incluso baixo o mar. Aseguran que deste xeito o xeocaching permíteche coñecer lugares incríbles.

Preparan os seus GPS para comezar unha xornada de xeocaching no centro de Cambados. Buscan un tesouro, ou como se coñece formalmente entre eles, a caché que alguén agochou e que agora tentan atopar guiándose por unha serie de pistas e coordenadas.

Os tesouros podemos atopalos no interior dun parafuso en pleno centro de Cambados ou no medio dun bosque. Conseguido o obxectivo o xeocacher deixa a súa firma na bitácora ou logbook, agocha de novo a caché e regresa ao sitio web de orixe para contar a súa experiencia.

O xeocaching naceu no ano 2000 en Estados Unidos. Hai cachers dispersos polos cinco continentes e algúns incluso están agochados baixo o océano. Só en Galicia hai máis de 2.200 cachers. Aventura, xogo e tecnoloxía en calquera lugar e o alcance de calquera persoa.