A ESTREA DE PIBE NOS MEDIOS SEVILLANOS

Estrea nun partido co sabor amargo do descenso e a ledicia do debút na 1ª división do fútbol español.
O encontro deixa dúas imaxes, a N'diaye levando a un neno ferido en brazos e a estrea do número 49 no Betis Agustín Pastoriza "Pibe", un rapaz de Cambados.
Así describe a prensa andaluza o debút.

O estreo na Primeira división do xogador da canteira do Real Betis "Pibe" foi unha das notas máis destacadas do partido disputado no Sadar ante o Osasuna. Agustín Pastoriza, coñecido no mundo do fútbol como Pibe, naceu en Bos Aires aínda que as súas raíces maternas son galegas. En 2002, os pais de Pibe establecéronse en España, concretamente en Cambados. Logo de dar os seus primeiros pasos no Juventud de Cambados, para pasar as categorías inferiores do Pontevedra. Guillermo Fernández Romo, man dereita de Óscar Cano no Betis B, fixouse en Pibe, que asinou un contrato coa entidade verdiblanca o pasado verán.

A súa primeira tempada na canteira do Betis desenvolveuna no equipo xuvenil de División de Honor. Unha das súas actuacións máis destacadas tivo lugar no derbi de categoría xuvenil xogado na cidade deportiva Luís del Sol o pasado mes de decembro. O Betis, logo de moitas alternativas no marcador, impúxose por catro tantos a tres e Pibe anotou o gol decisivo.

O extremo zurdo compartiu vestuario con outros xogadores que ao longo da tempada tiveron a oportunidade de estar en moitas sesións de adestramento co primeiro persoal e ata debutar na máxima categoría do fútbol español. Pibe é o último en sumarse a un grupo formado por Pedro, Pepelu, Dani Ceballo ou Abeledo.
Non esquecerá a tarde do domingo en Pamplona un arxentino criado en Galicia e que debuta na élite co Betis. O seu pai e o seu avó xogaron ao fútbol en Arxentina e agora Pibe quere facer carreira en España.

Nada máis acabar o encontro, Pibe comentou na súa conta oficial de twitter que "hoxe cumprín o meu soño que tantos anos busquei,isto vai pola miña familia! Hoxe é un día que nunca esquecerei!"